U Minsku pačałasia madernizacyja niezvyčajnaha abjekta: absiervatoryi Płanietaryja ŭ parku Horkaha
Budaŭniki tresta № 35 prystupili da madernizacyi absiervatoryi Minskaha płanietaryja ŭ parku Horkaha. Na ŭsio im dajecca try miesiacy.
Ramont adbudziecca ŭ budynku 1967 hoda pabudovy, cylindryčnaj formy, u vyšyniu pa kupale 12 m, u dyjamietry — 5,5 m. Na vierchni ŭzrovień, dzie raźmieščany ŭnikalny teleskop Carl Zeiss 1950/130, viadzie vintavaja leśvica.
Na pačatkovym etapie demantujecca ŭsio sastarełaje. Dalej zmantujuć novyja vitražnyja sistemy, prakładuć sietki elektrazabieśpiačeńnia, vykanajuć azdableńnie i dobraŭparadkavańnie.
U budynka źjavicca novy kupał ź viarčeńniem na 360 hradusaŭ sa śpiecyjalnymi stvorkami. Kožnaja kałona budzie z padśvietkaj.
Na čas ramontu teleskop pierajechaŭ, zastałasia tolki stanina ad jaho. Ale praz try miesiacy (stolki budaŭnikam adviedziena na madernizacyju budynka) aptyčnaja sistema vierniecca na svajo miesca dla taho, kab usie achvotnyja mahli ŭ dzionny i viačerni čas sačyć za žyćciom śviacił, paviedamlaje kanał «Minskbuda».
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2323
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna23
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Kamientary