Pieravozčyki papiaredzili, što niekatoryja rejsy ŭ Polšču mianiajuć maršruty i zajazdžać u Brest nie buduć
Z 17 listapada na biełaruska-polskaj miažy adkryŭsia punkt propusku «Bierastavica» — «Babroŭniki» dla aŭtobusaŭ. U vyniku mnohija pieravozčyki pačali nakiroŭvać svaje rejsy ŭ Polšču praz hety pierachod, tamu častka aŭtobusaŭ bolš nie budzie zajazdžać u Brest, piša Office Life.
Jak paviedamili pradstaŭniki servisu Infobus.by, u raskład partniorskich pieravozčykaŭ — «Fłajbus», «ZET» i DND Group Polska — užo ŭniesienyja rejsy praz «Bierastavicu».
«Fłajbus» zapuściŭ štodzionnyja rejsy Hrodna — Biełastok — Varšava ŭ 00:20, 08:10 i 13:00. U zvarotnym kirunku aŭtobusy iduć u 08:00, 14:50 i 20:30.
«ZET» budzie vykonvać rejsy Hrodna — Biełastok u 16:30 pa niadzielach, paniadziełkach, sieradach i čaćviarhach. Zvarotny rejs — u 06:20 pa aŭtorkach, sieradach, piatnicach i subotach.
DND Group Polska z 22 listapada zapuskaje rejs Minsk — Biełastok — Varšava ŭ 16:30 praź dzień. Z 21 listapada ŭ raskładzie jość i Varšava — Biełastok — Minsk u 20:00, taksama praź dzień. Aŭtobusy zajazdžajuć u Lidu i Hrodna.
Raniej hetyja rejsy prachodzili praz punkt propusku «Brest» — «Terespal», ale ciapier maršrut źmianiŭsia. Padarožniki, jakija kupili kvitki z abo ŭ Brest na hetyja rejsy, mohuć atrymać poŭnaje viartańnie hrošaj pa miescy pakupki.
Taksama paviedamlałasia, što paśla adkryćcia dvuch punktaŭ propusku na miažy ceny na aŭtobusnyja kvitki ŭ Polšču pačali źnižacca.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary