Mieniedžara z chołdynha «Amkador» asudzili za «sadziejničańnie ekstremizmu»
Barys Chusainaŭ zajmaŭ kiroŭnuju pasadu ŭ servisnaj struktury bujnoha mašynabudaŭničaha chołdynha «Amkador». Imavierna, jahony pieraśled źviazany sa spravaj Hajuna.
Barysu Chusainavu 31 hod. U 2018 hodzie jon zakončyŭ pryvatny Instytut pradprymalnickaj dziejnaści, atrymaŭšy dypłom ekanamista pa śpiecyjalnaści «kamiercyjnaja dziejnaść».
Mužčyna pracavaŭ namieśnikam načalnika adździeła ŭ kampanii «Amkador-Śpiecservis». Hetaje pradpryjemstva ŭvachodzić u skład nacyjanalizavanaha ciapier chołdynha «Amkador» i zajmajecca dyjahnostykaj, ramontam i prodažam zapčastak dla pahruzčykaŭ i inšaj techniki.
Barys zachaplajecca aŭtamabilami i padarožžami.
Prysud Chusainavu nabyŭ moc u śniežni 2025 hoda. Jaho pryznali vinavatym pavodle častak 1 i 2 artykuła 361‑4 Kryminalnaha kodeksa («spryjańnie ekstremisckaj dziejnaści»).
Čaściej za ŭsio pavodle hetaha artykuła sudziać za napisańnie paviedamleńniaŭ u bot prajekta «Biełaruski Hajun».
Sud pryznačyŭ Barysu Chusainavu chatniuju chimiju.
Mužčynu ŭnieśli ŭ «śpis ekstremistaŭ», jaki viadzie MUS.
«Ekstremizmam» ułady Biełarusi ličać padpiski na niezaležnyja kanały, ŚMI, najaŭnaść spasyłak na ich u sacyjalnych sietkach ci najaŭnaść u sacsietkach ci na rečach biełaruskaj nacyjanalnaj, dałukašenkaŭskaj simvoliki. Da «ekstremizmu» zaličvajuć taksama praktyčna ŭsialakuju krytyku ŭładaŭ, aficyjnych histaryčnych naratyvaŭ ci prajavy salidarnaści z Ukrainaj.
«Naša Niva» — bastyjon biełaruščyny
PADTRYMAĆPratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary