Paleścinskaja hrupoŭka CHAMAS paćvierdziła, što 15 maja ŭ siektary Haza ŭ vyniku izrailskaha ŭdaru byŭ zabity kiraŭnik jaje ŭzbrojenaha kryła — Iz ad-Dzin al-Chadad. Izrailskija ŭłady nazyvali jaho adnym z hałoŭnych arhanizataraŭ napadaŭ 7 kastryčnika 2023 hoda, piša Bi-bi-si.
Jak paviedamlajecca, udar byŭ naniesieny pa žyłym kompleksie ŭ centry horada Haza. Vidavočcy śćviardžajuć, što niekalki rakiet byli vypuščanyja adnačasova z roznych bakoŭ. Paśla hetaha ŭ budynku ŭźnik mocny pažar, a ratavalnikam było ciažka dabracca da paciarpiełych i evakujavać ich.
U vyniku pieršaha ŭdaru byli zahinułyja i paranienyja. Al-Chadad, vierahodna, atrymaŭ ciažkija ranieńni, paśla čaho jaho vynieśli z budynka i pasprabavali vyvieźci na aŭtamabili. Adnak paźniej hety aŭtamabil taksama byŭ abstralany, i ŭ vyniku zahinuli ludzi, jakija ŭ im znachodzilisia.
Izrailskija ŭłady zajavili, što ličać apieracyju paśpiachovaj i abvinavacili al-Chadada ŭ šmatlikich napadach, zabojstvach i vykradańniach. Jany taksama padkreślili, što buduć praciahvać dziejańni suprać tych, chto ŭdzielničaŭ u padziejach 7 kastryčnika 2023 hoda.
Na fonie hetaha situacyja vakoł pieramirja ŭ Hazie zastajecca napružanaj. CHAMAS abvinavačvaje Izrail u parušeńni damoŭlenaściaŭ i ŭdarach pa mirnych žycharach. U svaju čarhu Izrail śćviardžaje, što maje prava nanosić udary pa pradstaŭnikach hrupoŭki i patrabuje jaje razzbrajeńnia.
Mirnyja pieramovy faktyčna zajšli ŭ tupik. Płany pa stvareńni časovaj cyvilnaj administracyi i adnaŭleńni rehijona pakul nie realizavanyja, a napružanaść u rehijonie zastajecca vysokaj.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram4
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary