«Potym zrobiać asobnyja vahony, jak u Iranie?» Biełarusa aburyli «žanočyja» kupe ŭ ciahnikach
Biełarus Alaksandr paskardziŭsia ŭ sacsietkach na niemahčymaść kupić kvitok na ciahnik z Baranavičaŭ u Minsk. Svabodnyja miescy ŭ sastavie, jaki ruchaŭsia pa maršrucie Brest — Maskva, apynulisia tolki ŭ žanočym kupe, tamu aformić kvitok mužčyna nie zmoh, piša «Anłajnier».
Pra situacyju Alaksandr raskazaŭ u Threads. Pa jaho słovach, na ciahnik, jaki adpraŭlaŭsia 17 maja, u adnym z vahonaŭ zastavalisia dva svabodnyja miescy, adnak sistema pakazvała, što jany pryznačanyja tolki dla žančyn. Mužčynu hety momant mocna aburyŭ:
«Potym, napeŭna, asobnyja vahony zrobiać, jak u Iranie. Heta takaja akcyja da hoda žančyny — 2026? Treba kupić kvitok, svabodnyja miescy dastupnyja tolki «Ž». Što, nie puściać?»
Publikacyja chutka razyšłasia ŭ sacsietcy: jana ŭžo nabrała amal 200 tysiač prahladaŭ i sotni kamientaryjaŭ.
Mnohija karystalnicy padtrymali praktyku asobnych kupe dla žančyn. Jany adznačali, što niaredka adčuvajuć siabie niekamfortna abo niebiaśpiečna, padarožničajučy ŭ adnym kupe ź nieznajomymi mužčynami, i pryvodzili asabistyja historyi niepryjemnych situacyj u ciahnikach.
«Pakažycie choć adnu žančynu, jakaja chacieła b jechać ź nieznajomymi mužykami razam».
«Ni razu nie jechała ŭ cišyni i spakoi z mužčynami ŭ kupe. Usie jany čamuści ličać, što sa mnoj treba šmat razmaŭlać, adpuskać idyjockija žarty, flirtavać i h. d. Choć ja admoviłasia ad ciahnikoŭ, ale dziakuj, što źjavilisia žanočyja kupe».
«A vas da hetaha nikoli nie biantežyła ideja padziełu žančyn i mužčyn? Jak vy ličycie, čamu ŭniviersiteckija internaty zaŭsiody padzialajucca pa pałavoj prynaležnaści? Tualety? Łaźni? Raspranalni?»
«Cudoŭna. Ja pastajanna akazvajusia ŭ kupe z tryma mužykami ŭ načnym ciahniku i nie mahu skazać, što mnie psichałahična kamfortna».
Nasamreč takaja sistema isnuje na Biełaruskaj čyhuncy ŭžo šmat hadoŭ. Adnapołyja kupe farmirujucca na niekatorych firmovych ciahnikach mižnarodnych znosin. Pryncyp prosty: kali žančyna pieršaj kuplaje kvitok u svabodnaje kupe, jano aŭtamatyčna stanovicca «žanočym» i astatnija miescy prapanujucca tolki pasažyrkam. Anałahična farmirujucca i mužčynskija kupe.
Pry hetym košt kvitka nie mianiajecca, a sama pasłuha ŭvodziłasia praz rehularnyja prośby pasažyraŭ — čaściej za ŭsio mienavita žančyn. U toj ža čas na ŭsich ciahnikach takuju praktyku nie prymianiajuć: na asobnych kirunkach isnuje ryzyka, što miescy ŭ adnapołych kupe mohuć zastacca niezaniatymi.
Padletak pakłaŭ na rejki kamiani, mašynistu daviałosia ekstranna tarmazić
Biełčyhunka zapuskaje na leta dadatkovy ciahnik u Pieciarburh
Try dni tamu na ŭčastku pamiž Minskam i Baranavičami surjozna zatrymlivalisia ciahniki. Stała viadoma čamu
U Litvie syšoŭ z rejek hruzavy ciahnik z chimikatami. Heta ŭžo druhi vypadak za apošnija dni
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki8
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary