Грамадства11

Заснавальніка віннай кампаніі асудзілі ў Мінску за данаты ў падтрымку Украіны

Мінскі гарадскі суд вынес прысуд 57‑гадоваму прадпрымальніку Канстанціну Харытоненку. Яго абвінавацілі ў фінансаванні ўдзелу ў ваенных дзеяннях і адправілі ў калонію.

Канстанцін Харытоненка. Фота з ягонай старонкі Укантакце

Канстанцін Харытоненка нарадзіўся ў 1968 годзе ў Мінску. У 1990‑м ён скончыў факультэт аўтаматызаваных сістэм кіравання Мінскага вышэйшага інжынернага зенітнага ракетнага вучылішча (МВІЗРУ СПА, цяпер — Вайсковая акадэмія).

З 1990 па 1993 ён служыў у воінскай часці 06534 у 219‑ым зенітна-ракетным палку войскаў супрацьпаветранай абароны, які размяшчаўся ў пасёлку Першамайскае (Першамайскае-1) на Карэльскім перашыйку, у Выбаргскім раёне Ленінградскай вобласці.

Пасля мужчына перайшоў у цывільны сектар. Пасля наёмнай працы Канстанцін амаль дзесяць гадоў, з 2005 па 2014 год, узначальваў мінскую кампанію «ДняпроСталь».

З мая 2018 года Харытоненка стаў сузаснавальнікам і кіраўніком польскай кампаніі Geowine sp. z o.o., якая базіруецца ў Варшаве і займаецца імпартам грузінскіх вінаў у Польшчу.

Яго арыштавалі ў мінулым годзе. Канстанціна судзілі ў Мінскім гарадскім судзе паводле часткі 2 артыкула 361‑3 Крымінальнага кодэкса («фінансаванне або іншае матэрыяльнае забеспячэнне ўдзелу грамадзян у ваенных дзеяннях на тэрыторыі замежнай дзяржавы»). Яму пагражала ад 5 да 10 гадоў зняволення.

Звычайна па гэтым артыкуле беларускія сілавікі пераследуюць за ахвяраванні беларускім добраахвотнікам ва Украіне ці на патрэбы ЗСУ ці шараговых украінцаў.

Масавыя палітычныя рэпрэсіі ў краіне пачаліся пасля 2020 года. Тады Аляксандр Лукашэнка прайграў Святлане Ціханоўскай, але не аддаў ёй улады, а змусіў яе выехаць за мяжу. Адбыліся масавыя народныя пратэсты супраць дыктатуры і фальсіфікацыі выбараў. На гэта ўлады адказалі рэпрэсіямі.

Паводле падлікаў аб'яднання сілавікоў «Белпол» і праваабаронцаў, вядомыя імёны як мінімум 10050 чалавек, якія падпалі пад палітычна матываваныя крымінальныя справы. Усяго тыя ці іншыя палітычныя рэпрэсіі (крыміналкі, адміністратыўкі, звальненні, ператрусы, вымушаная эміграцыя) закранулі сотні тысяч беларусаў. 

«Экстрэмізмам» улады Беларусі лічаць патрабаванне правесці свабодныя выбары з празрыстым падлікам галасоў, а таксама практычна ўсялякую крытыку ўладаў, прарасійскіх гістарычных наратываў, праявы салідарнасці з Украінай, антываенныя выступы. 

«Наша Нiва» — бастыён беларушчыны

ПАДТРЫМАЦЬ

Каментары1

  • Гражданин РБ
    14.09.2026
    Конторы РПЦ когда закроют "за финансирование или иное материальное обеспечение участия граждан в военных действиях на территории иностранного государства"?

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

У Гродзенскім заапарку нарадзілася дзіцяня міні-аленя — яго выратавала каза3

Сузаснавальнік Telegram Мікалай Дураў упершыню ажаніўся. Яго жонка можа быць звязаная з расійскімі спецслужбамі18

«Працаваў у дальнабоі больш за 20 гадоў». Што вядома пра загінулага ў страшным ДТЗ у суботу пад Старымі Дарогамі кіроўцу грузавіка?2

Памерла партызанка Клаўдзія Сяргеева. Ёй было 98 гадоў4

У Мінску запусцяць паліцэйскія дроны з Дубая, якія самі, без аператараў, вылятаюць з боксаў ВІДЭА3

«Тры шэрагі зніклі за долю секунды». Беларусы зноў не могуць патрапіць на навагоднія шоу ў цырку

Зяленскі, а таксама ў Крамлі пракаментавалі ўдар па Крымскім мосце9

«У цябе апошні дзень». Беларускі айцішнік перабраўся на Філіпіны, а там усё жорстка13

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць