Ultrapravy polski palityk vykłaŭ videa, jak kałocić małatkom pomnik UPA
Lidar ultrapravaj partyi «Kanfiederacyja polskaj karony» Hžehaž Braŭn paškodziŭ pomnik UPA ŭ polskaj vioscy Białystok Lublinskaha vajavodstva.
Braŭn vykłaŭ videa, jak bje mołatam pa pomniku, dzie na kamieni naniesieny imiony ŭkraincaŭ.
Jon zajaviŭ, što hety pomnik treba nieadkładna źnieści — hetym, ličyć jon, jašče paśla adkryćcia pavinna była zaniacca palicyja ci inšyja słužby.
«Hety abielisk, jaki abražaje pamiać achviar ukrainskaha hienacydu suprać palakaŭ, musić być demantavany z dapamohaj prafiesijnaha abstalavańnia, jakoje treba nieadkładna dastavić siudy paśla dakumientavańnia złačynstva apraŭdańnia nacyzmu i banderyzmu», — vykazaŭsia Braŭn.
Pomnik UPA w gminie Dołhobyczów w powiecie hrubieszowskim do likwidacji❗️
Obelisk obrażający pamięć ofiar ukraińskiego Ludobójstwa na Polakach powinien zostać usunięty profesjonalnymi narzędziami natychmiast po udokumentowaniu przestępstwa banderyzmu!#StopBanderyzacjiPolski… pic.twitter.com/8Q4QZ2z5vJ
Letaś Braŭn byŭ adnym z kandydataŭ na prezidenckich vybarach Polščy. Kampaniju pravodziŭ pad łozunam «preč kamunizm, preč jaŭrejekamunizm, preč jeŭrakamunizm». Jon vystupaŭ suprać «ukrainizacyi Polščy», za viartańnie śmiarotnaha pakarańnia, zabaronu prapahandy «ideałohii ŁHBT» i ŭviadzieńnie ŭ polskaje zakanadaŭstva paniaćcia «zamiežnaha ahienta».
Pomnik pastaŭleny ŭ pamiać pra ŭkraincaŭ, jakija zahinuli ŭ bajach suprać savieckaha NKVD, piša «Jeŭrapiejskaja praŭda». Mienavita tut u 1946 hodzie pachavali zahinułych ukraincaŭ, tamu pomnik ustalavany niepasredna na miescy masavaha pachavańnia.
Miesca pamiaci funkcyjanuje z 90‑ch hadoŭ, a ŭ ciapierašnim vyhladzie z 2019 hoda. Abielisk užo niekalki razoŭ zaznavaŭ vandalizm. Uletku 2026 hoda jaho zapeckali farbaj z bałončyka, a taksama vyrazali arku, jakaja ŭpryhožvała kamień. Pasolstva Ukrainy tady aficyjna asudziła hety akt vandalizmu.
Na dniach hety pomnik užo pieražyŭ čarhovy akt vandalizmu, palicyja šukaje datyčnych.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary
Jak kažuć u nas - ruska onuca, ten Braŭn
A Erichu Kiernieru i vyrodkam iz SchutzmannschaftsBtl 118 tožie pamiatniki staviť, kotoryje vojuja s kommunistami Chatyń sožhli?