Łazavik vs Łukašenka?
Vo jakija kalizii moža sparadzić naŭprostavy eter, na jaki, zvyš taho, imhnienna recham adhukajecca Sieciva! Piša Alaksandar Kłaskoŭski.
Sakratar Centarvybarkama Mikałaj Łazavik zajaviŭ, što CVK "nie vałodaje faktami falsyfykacyi prezydenckich vybaraŭ".
Tema aktualizavałasia raptoŭna. Zdavałasia b, daŭno adšumieli žarści, zahłuchli pratestavyja zajavy apazycyi dy asudžalnyja vysnovy Zachadu datyčna chady i aficyjnych vynikaŭ toj kampanii.
Ale ŭčora na presavaj kanferencyi ŭkrainskija žurnalisty (i ŭsio tyja, chto słuchaŭ žyvy eter radyjo) raptam pačuli, što vyniki minułych vybaraŭ nibyta byli sfalšavanyja na karyść apazycyi!
Adznačym, što u aficyjnaj stenahramie na sajcie prezydenta Biełarusi adpaviednaha frahmentu niama.
Miž tym medyi, najpierš elektronnyja, a potym i tradycyjnyja, užo raźnieśli zajavu pa ŭsim śviecie.
Paščyravała ŭ tym liku i ŭkrainskaja presa, dziela jakoj najpierš i ładziłasia mierapryjemstva ŭ "ałmazie viedaŭ".
U Siecivie paraźviešvali i aŭdyjo.
Naturalna, palityčnyja apanenty adrazu vyłučyli klučavy paniatak "falsyfikacyja". Vincuk Viačorka, jak mnie tolki što stała viadoma, rychtuje z hetaje nahody ŭžo inšuju zajavu — u prakuraturu.
Naturalna, šancaŭ u spravy, miakka kažučy, niašmat. Ź inšaha boku, i zajavu ścipłaha čynoŭnika Mikałaja Łazavika suśvietnyja medyi naŭrad ci raspaŭsiudziać tak šyroka, jak materyjały ŭčorašniaha pijar-mierapryjemstva. Trochi nia toj maštab.
Dy i ŭ ajčynnaj dziaržaŭnaj presie hety kontarpijar Łazavika naŭrad ci stanuć nadta cytavać, kab lišni raz nia rušyć dalikatnaje pytańnie.
Tak što nia tolki apazycyja apynajecca časam u sytuacyi medyjnaj biezdapamožnaści.
Vo jakija kalizii moža sparadzić naŭprostavy eter, na jaki, zvyš taho, imhnienna recham adhukajecca Sieciva!
Na vačoch stanoviacca biaśsilnymi technalohii, apisanyja Oruełam u "1984".
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć44
Kamientary