Klecki aktyvist ad žniŭnia minułaha hoda čakaje palityčnaha prytułku ŭ Polščy.
31 sakavika da kleckaha aktyvista Siarhieja Panamarova pryjšli sudovyja vykanaŭcy, paviedamiła «Našaj Nivie» jahonaja žonka Śviatłana Panamarova. Pa jaje słovach, Haspadarčy sud adnaviŭ daŭniuju spravu ŭ dačynieńni da Panamarova, datyčnuju jahonaj pradprymalnickaj dziejnaści. Jon arandavaŭ haspadarčaje pamiaškańnie, u jakim raźmiaściŭ stalarny cech. Kali pamiž Panamarovym i kleckimi ŭładami ŭspychnuŭ kanflikt, pamiaškańnie ŭ jaho adabrali. Bolš za toje, pavodle rašeńnia suda, jon pavinien vypłacić kala 8 miljonaŭ rubloŭ nibyta za niezakonnuju pradprymalnickuju dziejnaść. Akurat z hetaj nahody siońnia i zavitali sudovyja vykanaŭcy da Śviatłany Panamarovaj. Sam ža Panamaroŭ ad žniŭnia minułaha hodu znachodzicca ŭ Polščy, dzie čakaje rašeńnia ab atrymańni palityčnaha prytułku. Da adjezdu za miažu jon zajmaŭsia ŭ Klecku hramadska-palityčnaj dziejnaściu: vydavaŭ biuleteń, raspaŭsiudžvaŭ niezaležnuju presu, akazvaŭ pravavuju dapamohu nasielnictvu. U dni salidarnaści nad domam Panamarovych u centry Klecka tradycyjna źjaŭlaŭsia bieł-čyrvona-bieły ściah.
Ciapier čytajuć
Stała viadoma, što ciapier adbyvajecca z palitviaźniem Jurasiom Ziankovičam, jakoha vyzvalili pa prośbie ZŠA8
Kamientary