Heta jašče nie kaniec. Rasija admaŭlaje Minsku ŭ miždziaržaŭnym kredycie

Kudryn: niachaj vychodziać u Mižnarodny valutny fond i pryvatyzujuć pradpryjemstvy.

Ab admovie Rasii nadać miždziaržaŭny kredyt paviedamiŭ žurnalistam vice-premjer, ministr finansaŭ RF Alaksiej Kudryn, pieradaje RIA Novosti. «My razhladajem tolki kredyt JeŭrAzES», — paviedamiŭ jon, kamientujučy chod pieramovaŭ Rasii i Biełarusi pa prośbie apošniaj vydać kredyt na 3 miljardy dalaraŭ.

Biełaruś źviarnułasia da Rasiei z prośbaj pradstavić joj kredyt z fondu JeŭrAzES na 2 młrd dalaraŭ. Akramia taho, razmova išła ab tym, kab Rasieja dała miždziaržaŭny kredyt Biełarusi jašče na 1 młrd dalaraŭ. Kudryn paviedamiŭ, što pytańnie ab pradastaŭleńni Rasiejaj kredytu Biełarusi nie razhladajecca, havorka idzie tolki ab kredycie z fondu JeŭrAzES, pryčym jon budzie mienšym pa pamiery.

«Naša častka nie razhladajecca», — skazaŭ A. Kudryn.

Kiraŭnik Minfina RF paviedamiŭ, što da kanca hetaha tydnia kiravanaje im ministerstva pasprabuje ź biełaruskimi partniorami vypracavać asnoŭnyja padychody da ŭmoŭ pradastaŭleńnia kredytu JeŭrAzES. Pry hetym jon nie vyklučyŭ, što peŭnyja rašeńni mohuć być ahučany ŭ chodzie pajezdki prem'jer-ministra RF Uładzimira Pucina ŭ Miensk na nastupnym tydni.

«Idzie kanstruktyŭnaja praca, i my bačym surjoznaje razumieńnie z boku Biełarusi da tych pytańniach, jakija jość», — prakamientavaŭ A. Kudryn chod pieramoŭ.

Pavodle jaho słoŭ, udzielniki pieramoŭ razhladajuć pytańnie ab tym, kab vydać Biełarusi z fondu JeŭrAzES 1 młrd dalaraŭ u 2011 hodzie, a paśla ŭ 2012 i 2013 hadach Biełarusi moža być pradastaŭlena dapamoha z fondu na tuju ž sumu štohod, paviedamlaje PRAJM-TASS.

Adnak Kudryn pryznaŭ, što hetych srodkaŭ dla Biełarusi moža być niedastatkova. «My ličym, što hetych srodkaŭ moža być niedastatkova, tamu nieabchodna budzie vychodzić i ŭ Mižnarodny valutny fond u vypadku stanoŭčaha razhladu», — adznačyŭ jon.

«My ličym, što heta metazhodna», — skazaŭ A. Kudryn. «U MVF mohuć być dadatkovyja niejkija ŭmovy, ale pa bujnych pazicyjach prapanovy ŭ cełym buduć padobnymi», — miarkuje jon.

Akramia kredytnaj padtrymki, ličyć kiraŭnik rasijskaha Minfina, Biełaruś pavinna pryvatyzavać šerah abjektaŭ, jakija mohuć zacikavić zamiežnych inviestaraŭ, i heta dazvoliła b atrymać kala 2 miljardaŭ dalaraŭ ad pryvatyzacyi. Kudryn nahadaŭ, što dva hady tamu Biełaruś pastaviła zadaču stać samaj inviestycyjna pryvabnaj krainaj, dla čaho prapanoŭvała pryvatyzavać niekatoryja dziaržaŭnyja pradpryjemstvy. «My heta tolki vitajem», — skazaŭ jon.

• 0
• 0
• 0
• 0
• 0
• 0
• 0
• 0