Kurs dalara pry bieznajaŭnych pazabiržavych apieracyjach apuściŭsia da 7000—7500 z raniejšaha maksimumu 8000—8800. U Vilni najaŭny rubiel taksama mocna padros.
Kurs dalara pry bieznajaŭnych pazabiržavych apieracyjach apuściŭsia da 7000—7500 z raniejšaha maksimumu 8000—8800. U toj ža čas kurs dalara na čornym rynku najaŭnaj valuty zachavaŭsia na ŭzroŭni 5500—6000, charakternym dla aŭtorka—čaćviarha.
U Vilni rubiel taksama mocna padros. Uviečary dalar možna było pradać za 4870 rubloŭ (jašče ŭranku 5300), kupić za 6460 rubloŭ (jašče ŭranku 6850).
Kurs u abmieńnikach zastaŭsia na ŭzroŭni 4500 rubloŭ. Banki nie majuć śmiełaści vystavić kurs, vyšejšy za «rekamiendacyju» Nacbanka. Pa takim kursie nabyć valutu ŭsio jašče niemahčyma. Na
Nahadajem, što aficyjny kurs dalara, jaki ŭstalovajecca Nacbankam, składaje 3 145 rubloŭ. Jon zanižany ŭ paraŭnańni z realnym, jaki vykarystoŭvajecca nasielnictvam i pradpryjemstvami, na 60–150%.
Učora ministr finansaŭ Rasii zajaviŭ u Minsku, što kredyt ad JeŭrAzES składzie ŭsiaho miljard dalaraŭ i budzie vydzieleny nie raniej za červień. Akramia taho, umovaj jaho vydačy budzie drakonaŭski płan ekanomii.Jon praduhledžvaje skaračeńnie biudžetnych vydatkaŭ i pryvatyzacyju hihantaŭ biełaruskaj pramysłovaści ci infrastruktury — apošnija na vybar Minska.
Rašeńnie ab dalejšych dziejańniaŭ budzie prymać, treba mierkavać, asabista Alaksandr Łukašenka. Dahetul faktyčna jon marudziŭ.
Rezkaje padzieńnie rubla na čornym i bieznajaŭnym rynkach adbyłosia za minułyja siem dzion, paśla taho kali stała jasna, što kryzis budzie nasić praciahły charaktar.
Kursy realnaha rynku mianiajecca niekalki razoŭ na dzień. Takoje praciahniecca da taje pary, pakul Nacbank nie vierniecca da valutnych interviencyj.
Ciapier čytajuć
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu8
Niaŭdałaje techničnaje rašeńnie doraha abyšłosia arhanizataram hałasavańnia ŭ Kaardynacyjnuju radu
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu5858
Kamientary