Пры ўсёй немілагучнасці назвы пасады Наталля Пяткевіч мае непасрэдны доступ да кіраўніка дзяржавы. Яна ўзначальвае прэзідэнцкую канцылярыю, як Паскробышаў пры Сталіну, а Марцін Борман пры Гітлеру.
Пяткевіч увайшла ў кіроўныя эліты за максімальна кароткі час. Спачатку амбітная супрацоўніца ўпраўлення дзяржаўнага і міжнароднага права Адміністрацыі прэзідэнта стала прэссакратаркай Лукашэнкі, а праз тры гады працы вярнулася ў Адміністрацыю намесніцай кіраўніка. Менавіта гэтай «жалезнай лэдзі» беларускай палітыкі даводзілася агучваць непапапулярныя рашэнні, як было з адменай ільготаў ці адмовай у амністыі жанчынам з дзецьмі. Цяпер Пяткевіч разам з Кабяковым даверана правесці скарачэнне дзяржаўных органаў.
***
Цытата: «Я знаходжу спонсараў — нагамі, галавой, рукамі!»
З пасяджэння Нацыянальнага алімпійскага камітэта, жнівень 2011.
Аб’ектыўка
Нар. у 1972 у Мінску. Яе тата — загадчык стаматалагічнай паліклінікі. Скончыла юрфак БДУ (1994). У 2001 прызначаная прэссакратаркай Лукашэнкі. У 2004—2010 — намесніца, пасля першая намесніца кіраўніка Адміністрацыі прэзідэнта. У 2006 ёй быў забаронены ўезд на тэрыторыю Еўрасаюза і ЗША. Кандыдат юрыдычных навук. Ад верасня 2011 узначальвае прэзідэнцкую канцылярыю.
Першы муж — Уладзіслаў Пяткевіч, кіраўнік «Нацыянальных спартыўных латарэй», другі — Аляксандр Мартыненка, былы намеснік гендырэктара Белтэлерадыёкампаніі.
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады6
Каментары