У Расіі паставілі спектакль пра «праваслаўнага вожыка», які ўтапіў вавёрку
Томскі тэатр юнага гледача прадставіў у Новасібірску спектакль «Гісторыя пра праваслаўнага Вожыка» паводле аднайменнага твора Маі Кучэрскай, перадае ТВ2 са спасылкай на намесніка дырэктара па развіцці Томскага ТЮГа Паўла Нікіціна.
«Можна сказаць, што гэта гісторыя аб няправільным разуменні праваслаўя», - сказаў Нікіцін.
Спектакль стане часткай праекту «Песні пра Радзіму», які аб'яднаў два новасібірскіх тэатры - «Глобус» і «Першы тэатр» - і Томскі тэатр юнага гледача. Па словах Нікіціна, гэты праект - «агульная гісторыя пра праблемы, якія ёсць у нашым грамадстве».
У «Гісторыі аб праваслаўным Вожыку» вожык ўгаварыў сваю суседку вавёрачку хрысьціцца ў рэчцы, загадзя ведаючы, што яна не ўмее плаваць, і калі вавёрачка патанула падчас хрышчэння, вожык заявіў, што гэта цудоўна, таму што вавёрачка памерла праваслаўнай. І ўвесь лес закрычаў: «Дзякуй Богу!»
Праект «Песні пра Радзіму» быў прадстаўлены гледачам 5 лютага на малой сцэне тэатра «Глобус» у Новасібірску. 4 сакавіка праект прадставяць на сцэне Томскага абласнога тэатра юнага гледача.
Гледачы ўбачаць тры тэатральныя варыяцыі па матывах сучасных празаічных твораў. Для пастаноўкі рэжысёры выбралі апавяданні Віктара Пялевіна, Дзмітрыя Глухоўскага і Маі Кучэрскай.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
«Беларусь цябе любіць». Рэпартаж з развітання з Мікітам Мелказёравым6
Каментары