Прэзідэнты Польшчы й Румыніі збіраюць кіраўнікоў краін Балта-Чарнаморскага рэгіёна
У сераду ў сталіцы Румыніі Бухарэсце адбудзецца сустрэча кіраўнікоў дзяржаў усходняга флангу НАТА і Еўрасаюза. Сваіх калег супольна запрасілі прэзідэнты Польшчы і Румыніі — дзвюх найбольшых дзяржаў Цэнтральнай і Усходняй Еўропы.
У Бухарэст прыедуць прэзідэнты Эстоніі, Латвіі, Літвы, Славаччыны, Венгрыі, Балгарыі і кіраўнік ніжняй палаты парламента Чэхіі.
Сустрэча мае стаць сур'ёзным сігналам для астатняй частцы НАТА, што ўсходні фланг адчувае пагрозу з боку Расіі.
Кожная з гэтых краін паасобку занадта слабая, каб процістаяць расійскай арміі ў выпадку канфлікту. Ні адна з краін не мае атамнай зброі, дый нават у выпадку няядзернага канфлікту не маюць дастатковых сродкаў супрацьпаветранай абароны, каб процістаяць расійскай авіяцыі і ракетам. Таму краіны Балтыі, Польшча і Румынія просяць НАТА пра размяшчэнне хаця б сімвалічных баз, каб паказаць, што ЗША будуць бараніць усе краіны альянса.
Нядаўна абраныя прэзідэнты Румыніі Клаўс Ёханіс і Польшчы Анджэй Дуда належаць да правых партый. Польшча і Румынія — найбольш самадастатковыя ў эканамічным і вайсковым сэнсе краіны. Абедзве гэтыя нацыі маюць моцную нацыянальную свядомасць. У іх таксама ёсць традыцыі вайсковай прамысловасці. Менавіта дзве гэтыя краіны мусілі стаць базамі для размяшчэння амерыканскіх батарэй проціракетнай абароны.
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам5
Каментары