Спікер Каардынацыйнай рады Арцём Брухан пагаліўся налыса, бо яўка на выбарах склала менш за 5000 чалавек
Арцём Брухан пайшоў у заклад са сваім сябрам наконт прыходу на выбарах у Каардынацыйную раду.
«Я быў аптымістам, я ў гэта свята верыў. Але прыход быў меншым», — пракаментаваў Арцём падчас стрыму з Паўлам Латушкам на ютуб-канале апошняга.
У каментары «Нашай Ніве» Арцём дадаў, што валасоў яму не шкада — «адрастуць». Да таго ж, гэта не першая яго фрызура амаль «пад нуль».
«У мяне была фрызура тры міліметры, калі я быў футбольным фанатам», — распавёў намеснік кіраўніка Народнага антыкрызіснага ўпраўлення.
Як вядома, Брухан быў фанатам брэсцкага «Дынама».
Для палітыка было важна стрымаць абяцанне, да таго жонка Арцёма падтрымала яго новы вобраз. Менавіта яна стала натхняльніцай для відэа з прома выбараў. Яно было зроблена па слядах папулярнага цяпер трэнду, дзе людзі разыгрываюць розныя жыццёвыя сцэнары на мяжы ў стылі ўрыўка з трылера «Вяршыня», дзе акцёр Тэран Эджартан у ролі псіха Бэна танчыць пад трэк «Go» групы The Chemical Brothers.
Той самы трэнд у выкананні Арцёма Брухана
Па выніках галасавання Кааліцыя Паўла Латушкі і Руху «За свабоду» набрала найбольшую колькасць галасоў — 42%. Агулам у выбарах у Каардынацыйную раду ўзялі ўдзел 2 113 чалавек.
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу5
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары
Ну а если серьезно - насколько нужно быть оторванными от реальности и вариться в своей иллюзии, чтобы мечтать о явке 5000?