У Мінску выдалі кнігу пра Еўфрасінню Полацкую для невідушчых дзяцей
Прэзентацыя кнігі пра вядомую беларускую асветніцу для невідушчых і слабавідушчых дзяцей, выдадзеная Выдавецкай радай БПЦ, прайшла ў спецыяльнай школе №188 у Мінску, піша БелТА.
Выданне зроблена з улікам розных патрэб: тэкст надрукаваны шрыфтам Брайля, ёсць аўдыяверсія, а таксама ўключаная тактыльная выява іконы, якую можна «разгледзець» навобмацак. Да яе дадаецца спецыяльнае апісанне, каб дзеці маглі лепш уявіць вобраз.
Кніга стваралася як комплексны адукацыйны праект. Для тых, хто не чытае па Брайлю, прадугледжана аўдыя — яе можна паслухаць праз QR-коды. У агучванні ўдзельнічалі прафесійныя артысты і святар.
Аўтары падкрэсліваюць, што выбар постаці невыпадковы: Еўфрасіння Полацкая лічыцца не толькі духоўнай заступніцай Беларусі, але і важнай асветніцай, якая развівала адукацыю і культуру. Таму яе вобраз павінен стаць прыкладам для дзяцей.
Найбліжэйшым часам кнігу перададуць ва ўсе спецыялізаваныя ўстановы краіны, дзе вучацца дзеці з парушэннямі зроку.
Цяпер чытаюць
Што вядома пра экс-афіцэра Службы бяспекі Лукашэнкі Андрэя Спасава, якога пасадзілі за палітыку1
Каментары