Лідар былога «Белага легіёна» Міраслаў Лазоўскі затрыманы і збіты
Увечары 21 сакавіка ў менскай кватэры Міраслава Лазоўскага адбыўся вобшук. Ён пачаўся каля 20-й і трываў каля дзьвюх гадзін. Сам Міраслаў прысутнічаў, яго прывезьлі людзі ў масках, ён быў моцна зьбіты, паведаміла Радыё Свабода сяброўка Лазоўскага Ніна Шыдлоўская.
Паводле папярэдніх зьвестак, пасьля ператрусу Міраслава Лазоўскага павезьлі ў сьледчы ізалятар Міністэрства ўнутраных спраў на вул. Валадарскага.
Міраслаў Лазоўскі працуе памочнікам дырэктара выдавецтва «Кнігазбор». На пачатку 1990-х ён быў адным са стваральнікаў арганізацыі «Белы Легіён». Сябры «Белага Легіёна» былі актыўнымі ўдзельнікамі ўсіх мітынгаў і шэсьцяў у 1996-1999 гадах. Арганізацыя працавала падпольна і спыніла сваё існаваньне на пачатку 2000-х.
Апошні раз узгадкі пра «Белы Легіён» зьявіліся ў 2008 годзе, калі былых кіраўнікоў арганізацыі Ігара Корсака, Міраслава Лазоўскага і Сяржука Чыслава затрымалі па справе выбуху 3-га ліпеня 2008 года, аднак у хуткім часе вызвалілі з-пад варты.
На гэтым тыдні Лазоўскі паведаміў, што ягоны профіль у фэйсбуку быў узламаны і невядомая асоба ад ягонага імя распаўсюджвала інфармацыю пра падрыхтоўку да вулічнай акцыі 25 Сакавіка.
21 сакавіка ў Менску таксама быў затрыманы кнігараспаўсюднік Алесь Яўдаха. Інцыдэнт здарыўся адразу па заканчэньні цырымоніі ўзнагароджаньня ляўрэатаў літаратурнай прэміі «Дэбют» на вуліцы Кастрычніцкай, каля сядзібы творчай прасторы «ЦЭХ».
-
«Паглядзіце на тое, што адбываецца ва Украіне проста зараз, у гэтую хвіліну». Экс-прэзідэнт Юшчанка звярнуўся з адкрытым лістом да Трампа
-
У Беларусі ўпершыню з'явілася ламаная разметка
-
Былога выкладчыка духоўнага вучылішча, які жанаты з маладзейшай за яго на 30 год студэнткай, выпусцілі з ізраільскай паліцыі
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне13
Каментары