Справа Васіля Парфянкова: пускалі папяровыя самалёцікі ці біліся з паліцыяй?
«Наша Ніва» пісала пра затрыманне ў Кіеве былога палітвязня Васіля Парфянкова, які разам з таварышамі будаваў барыкады і біўся са спецназам у Святашынскім судзе. Гэта адбылося падчас суда над лідарам Арганізацыі ўкраінскіх нацыяналістаў Міколам Каханоўскім.
Увечары таго ж дня Парфянкоў быў адпушчаны на волю, хаця і моцна збіты спецназаўцамі. Некаторых з удзельнікаў той бойкі змясцілі пад хатні арышт.
Украінская праваабаронца Таццяна Блізнюк мае іншы погляд на гэтыя падзеі, які адрозніваецца ад афіцыйнага. Чаму адбылася бойка паміж Каханоўскім і Русланам Качмалай?
Блізнюк піша, што група «прымусарскіх [відаць, маецца на ўвазе МУС Украіны] гопнікаў тэрарызуе перасяленцаў на ўскрайку Кіева». Каханоўскі ж спрабаваў неяк абараніць гэтых людзей. На яе думку, менавіта таму адбыўся напад на лідара АУН.
Людзі з АУН вырашылі, што далейшае ўтрыманне Каханоўскага пад вартай незаконнае, таму патрабавалі ягонага вызвалення. Не далі завезці назад у СІЗА, але і не выводзілі з будынка суда, каб не падумалі, што гэта ўцёкі.
«Людзі засталіся ў зале. Хіба да дзвярэй падсунулі барыкаду з мэблі, крэслаў і сталоў. І ўсе бачылі стрым, што ўсё праходзіла досыць мірна. Людзі сядзелі і пускалі адзін у аднаго папяровыя самалёцікі дзеля забавы. Выйсці з суда было нельга. Зайсці назад — не пускалі. У прыбіральню — таксама. Ну нічога», — піша Блізнюк.
Пасля гэтага, па словах Блізнюк, у залу саду сталі пускаць слезацечны газ. І толькі тады байцы АУН выломвалі шыбы, каб нечым дыхаць.
Сам Каханоўскі цяпер будзе знаходзіцца пад хатнім арыштам, на яго надзенуць электронны бранзалет.
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
-
«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»
«Стаяць на сваім, кожны наколькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі4
Каментары