Знойдзена рэдкая падземная расліна, якую 150 гадоў ніхто не бачыў ФОТА
У трапічных лясах вострава Барнэа навукоўцы другі раз у гісторыі выявілі расліну Thismia neptunis, якая вядзе вельмі таемны лад жыцця, піша New Scientist.
Thismia neptunis — дужа незвычайная расліна, якая большую частку жыцця праводзіць пад зямлёй. Памер яе непрыкметнай надземнай часткі, якая з'яўляецца толькі падчас цвіцення на непрацяглы час, — усяго 9 сантыметраў.
Праз такі таемны лад жыцця гэтая расліна была зафіксаваная толькі аднойчы, у 1866 годзе, італьянскім батанікам Эдуардам Бекары, які натыкнуўся на адну такую кветку на захадзе Малайзіі і апісаў новы від. З тых часоў гэтую кветку ніхто не бачыў.
У 2017 годзе група даследчыкаў з Чэхіі вывучала той жа рэгіён трапічных лясоў і зноў натыкнуліся на кветку Thismia neptunis. Яны склалі больш дакладнае апісанне віду, а таксама апублікавалі першыя фотаздымкі гэтай амаль міфічнай расліны.
Thismia neptunis адносіцца да групы так званых мікагетэратрофных раслінаў, што жывуць побач з пэўнымі відамі грыбоў. Такія расліны падтрымліваюць жыццё не праз фотасінтэз, а праз пажыўныя рэчывы, якія яны атрымліваюць ад міцэліяў грыбоў.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары