Рэйтынг трох самых абсурдных выказванняў пра нацыянальную ідэю
склаў філосаф Пётра Рудкоўскі.
Мой рэйтынг трох самых абсурдных уяўленняў пра нацыянальную ідэю.
ПЕРШАЕ месца: «Нацыянальная ідэя — гэта такая ідэя, якую ўсе заўсёды і ўсюды абмяркоўваюць».
Нам кажуць: «Вы паслухайце, пра што гавораць людзі на прыпынках, у калгасах ды на заводах. Тэма нацыянальнай ідэнтычнасці іх абсалютна не цікавіць». І вось гэта, маўляў, паказнік слабасці (адсутнасці) нацыянальнай ідэі.
Даведка: Ніводзін цвярозы прыхільнік нацыянальнага адраджэння не ставіць сваёй мэтай стварыць сітуацыю, калі на прыпынках і заводах людзі будуць размаўляць пра нацыянальныя каштоўнасці.
ДРУГОЕ месца: «Нацыянальная ідэя — не пра мінулае, а пра будучыню».
Гэта ўсё роўна што сказаць: «Дарога Масква — Брэст павінна весці ўперад, а не назад».
ТРЭЦЯЕ месца: «Многія нацыі не маюць уласнай мовы, але застаюцца пры гэтым нацыямі. Значыць, няма сэнсу ўпарціцца пры беларускай мове».
Многія краіны не маюць уласных лясоў, але застаюцца пры гэтым краінамі. А некаторыя з такіх краін цалкам заможныя, як напрыклад, Катар або Сан-Марына. Значыць, няма сэнсу клапаціцца пра беларускія лясы.
Чытайце таксама: Зісер агучыў варыянт будучыні Беларусі: «Русіфікацыя, ІТ-гігант, асіміляцыя замежнікаў»
-
Статкевіч: Каго не ўдалося запалохаць да сталага ўзросту, таго ўжо не запалохаеш
-
«Для нас, БНФ, вылучэнне Шушкевіча было нажом у спіну». Навумчык і Статкевіч высвятляюць ролю Беларускага згуртавання вайскоўцаў
-
Ігар Карней: Будзе каманда — зробяць усё, каб і з годам трымаць у закладніках хоць пяцігодку, хоць болей
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары