Аматараў народнай культуры запрашаюць 20 ліпеня на этнафестываль Kolyska
20 ліпеня ў аграгарадку Лукава Маларыцкага раёна пройдзе этнафестываль Kolyska. Аматараў народнай культуры і добрага адпачынку чакаюць майстар-класы, творчыя сустрэчы, конкурс касцюмаў, вырабы майстроў, натуральныя прадукты, «зялёны» адпачынак (намётавы гарадок, sup-сёрфінг) і добрая музыка.
У цэнтры падзей будзе канцэрт выканаўцаў з Брэста і пяці раёнаў Берасцейшчыны. Гэта будзе аўтэнтычны фальклор, харавыя і эстрадныя апрацоўкі традыцыйных твораў, аўтарская песня, вытрыманая ў народным стылі.
Канцэрт дзіцячых калектываў пачнецца а 16:00, вячэрні канцэрт — а 18:00.
Праграму выступаў глядзіце на сайце арганізатараў.
Гэта будзе прыгожа, месцамі кранальна і чароўна.
Як дабрацца на этнафестываль? З Брэста ў суботу 20 ліпеня ідзе прамы аўтобус Брэст-Н. Забалоцце (праз Лукава). Адпраўленне з аўтавакзала а 6:45. На міжнароднай трасе Е85 рух даволі інтэнсіўны, ад яе да цэнтра вёскі 3,5 кіламетра. Вадзіцеляў аўтобусаў на Ковельскім напрамку можна папрасіць спыніцца ля Ужова: паварот на Лукава, вядомы па дарожным указальніку і знаку СВК «Чырвоны партызан».
Колькі каштуе ўваход? Kolyska — некамерцыйны праект. Уваход вольны на ўсе пляцоўкі фэста.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос21
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары