У траціне дзіцячых медустановаў Расіі не знайшлі вадаправод і каналізацыю
У амаль траціне расійскіх медыцынскіх устаноў, якія працуюць у сферы дзіцячай аховы здароўя, па стане на 1 студзеня 2019 года адсутнічаў вадаправод, піша ria.ru са спасылкай на справаздачу Падліковай палаты.
Паводле звестак, з 116,8 тысячы будынкаў, у якіх аказваецца медыцынская дапамога дзецям, у 30,5% адсутнічаў вадаправод, у 52,1% — гарачае водазабеспячэнне, у 41,1% — цэнтральнае ацяпленне, а ў 35% — каналізацыя.
Таксама ў Падліковай палаце паказалі на тое, што 47% дзіцячых бальніц і паліклінік не абсталяваныя пандусамі для інвалідаў.
Як вынікае з дакладу, большасць дзіцячых бальніц і паліклінік знаходзяцца ў нездавальняльным санітарным і тэхнічным стане, «што прыводзіць да натуральнага іх разбурэння».
У ведамстве назвалі неэфектыўным выдзяленне сродкаў з федэральнага бюджэту на абсталяванне дзіцячых медустаноў.
Акрамя таго, праверка, праведзеная Падліковай палатай, паказала, што ні ў адным з рэгіёнаў Расіі не дасягнуты ўсе крытэрыі даступнасці якасці медыцынскай дапамогі.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос20
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары