Лукашэнка пра візіт Хаўера Саланы ў Мінск: Вельмі мне спадабаўся гэты старэча
Украінскі журналіст Дзмітрый Гардон запытаўся ў Аляксандра Лукашэнкі, ці праўда тое, што Пуцін прапаноўваў 2 мільярды даляраў за тое, што ён (Лукашэнка) прызнае Абхазію і Паўднёвую Асецію расійскімі тэрыторыямі.
«Ніколі пра гэта не было гаворкі, — адказаў Лукашэнка. — Цана пытання была куды вышэйшая. У мяне ніколі не было пытання наконт Абхазіі і Асеціі, нягледзячы на тое, што я прыхільнік цэласнасці тэрыторыі любой краіны, у тым ліку Грузіі. Калі заваруха гэта пачалася, і ўсе ў СНД дрыжэлі… Казахстан вельмі баяўся, што прызнаем Паўднёвую Асецію. Нядобры факт, адарвалі ад Грузіі, колькі там той Паўднёвай Асеціі? 30 тысяч? (…) Калі гэта адбылося, нямое пытанне павісла ў паветры. І ўсе чакалі, што Беларусь прызнае… А я ніколі не надаваў гэтаму значэння. Трэба саюзніка падтрымаць, можам падтрымаць. А потым НАТАўцы нас у гэтае пытанне акунулі.
Прыехаў Хаўер Салана, памятаеце, быў такі кіраўнік НАТА? [у лютым 2010 года, у той час Салана быў Вярхоўным прадстаўніком па пытаннях агульнай знешняй палітыкі і палітыкі бяспекі ЕС, генеральным сакратаром Рады ЕС, кіраўніком НАТА Салана быў у 1995—1999 гг. -- НН].
«Вельмі спадабаўся гэты старэча, — адзначыў Лукашэнка. — Ён мне наўпрост кажа: у нас ёсць да вас просьба. Я думаю, якая?
Гэта ж НАТА. А ён: вы ж не думаеце, што мы зусім ворагі. Мы б не хацелі, каб вы прызнавалі Паўднёвую Асецію. Пачаў расказваць, што адбылося і г.д, што гэта Грузія і ўсё такое. Я кажу: «Я разумею, але чаму вы мяне пра гэта просіце?» А ён адказвае: «Калі вы прызнаеце, то наступіць парад прызнанняў, за вамі пойдуць другія. Я кажу: больш чым дзіўная пазіцыя, але ладна…»
«А мы былі да гэтага гатовыя. Я кажу: «Хаўер, а што нам будзе за гэта?». Ён быў да гэтага гатовы. Дастае нататнік і пачынае пералічваць. Беларусь будзе адразу адключана ад разлікаў па SWIFT.. Ён не абяцаў, што санкцыі здымуць, ён пералічыў, што адбудзецца дадаткова».
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары