Грамадства

«Дачцэ прад’яўлялі даты акцый, калі яна ўжо была на сутках». Што адбывалася на судзе па справе студэнтаў?

На пасяджэнне па справе студэнтаў змагла патрапіць толькі частка сваякоў і блізкіх. Астатніх, хто прыйшоў падтрымаць моладзь, разагналі. «Наша Ніва» папрасіла родных студэнтаў падзяліцца ўражаннямі ад першага дня. 

Да студэнткі факультэта філасофіі і сацыяльных навук БДУ Ксеніі Сырамалот у залу патрапілі бацькі і сястра.

«На судзе Ксюша была бадзёрай, рабіла «сэрца» рукамі. Добра выглядала, — распавядае сястра Кася. — 

Світшот для яе на суд я абірала доўга. Шукала ў краме нешта мілае і з сэнсам. На выпускным у ліцэі Ксюша была ў блакітнай сукенцы, ёй вельмі пасуе гэты колер, і яна яго любіць. Я перадала світшот ёй месяц назад і прапанавала надзець яго на суд. Яна з радасцю пагадзілася, ёй спадабаўся колер і надпіс — feel empathy (адчуй эмпатыю). Аказалася, гэта было добрай ідэяй — яе здалёк нам было добра бачна. Падобны эфект быў у мілага ружовага світшота Машы Каленік, які ёй знайшла сястра. І аранжавай майкі ў Іллі Трахтэнберга.

Мы з Ксюшай сядзелі далёка, таму толькі пераміргваліся і капіявалі жэсты адна адной. Па ёй было бачна, што яна вельмі рада ўсіх пабачыць».

Справу вядуць маладыя пракуроры. Сёння пачалі агучваць абвінавачанне — агульнае, а пасля на кожнага студэнта (паспелі на пяцярых). «Размяшчалі ў чатах заклікі, каардынавалі ўдзельнікаў»…

«Для кожнага студэнта зачытвалі практычна адно і тое ж вельмі доўгае і складана сфармуляванае, абсурднае абвінавачанне. Яны заблыталі ўсіх. Зачытвалі хутка, не гучна», — дадае Кася.

Сваякі Марыі Каленік з Акадэміі мастацтва таксама адзначаюць, што ў абвінавачанні паўтараліся адны і тыя ж фразы.

«Студэнтаў абвінавачваюць у тым, што яны нібыта перашкаджалі навучальнаму працэсу, загараджалі праход у ВНУ, заміналі праезду транспарту і пераконвалі людзей, што выбары несумленныя і недэмакратычныя. І з-за ўсяго гэтага іх водзяць у кайданках і трымаюць за кратамі. А ахоўваюць чатыры чалавекі ў бронекамізэльках і з пісталетамі. Гэта ўсё вельмі дзіўна выглядае, залішне», — мяркуе маці Вольга.

«Маша выглядала ўсхваляванай, сумнай ці задумлівай. Знешне не змянілася, такая ж дагледжаная. Мы да суда бачыліся — на спатканні яна была вясёлая. У гэты раз не так», — перажывае яна за дачку.

Маша спадзявалася ўбачыць яшчэ тату і бабулю, але на суд змаглі патрапіць толькі сястра і мама.

«Адчувалася, што акрамя васьмі чалавек (надзіральнікаў, пракурораў, сакратара і суддзі), ніхто у зале не лічыў падсудных злачынцамі», — дадае сястра студэнткі. 

Бацька другакурсніка мехмата БДУ Іллі Трахтэнберга Віталь прысутнічаў на пасяджэнні паўгадзіны — адвакат хадайнічаў, каб Віталь быў сведкам абароны, хадайніцтва задаволілі, таму бацька мусіў пакінуць залу.

«Хлопцы і дзяўчаты малайцы, трымаюцца вельмі добра. Выкладчыца Вольга Філатчанкава выступіла з разгорнутым хадайніцтвам і, як яе суддзя ні спрабавала перабіць, дагаварыла да канца. Нягледзячы на маламеснасць залы, зменшаную яшчэ і з прычыны кавіду, там былі два ціхары — то-бок частку сваякоў не пусцілі, але іх пасадзілі», — кажа Віталь.

З сынам у яго было тры спатканні ў СІЗА. Заўважае, што Ілля за гэтыя паўгода ўзмужнеў. Чаканні ад суда ў іх рэалістычныя.

«Абодва ілюзій не маем. Верагодней за ўсё хімію дадуць, думаем, паўтара-два года. З улікам тэрміну ў СІЗА застанецца недзе месяцаў восем», — дзеліцца невясёлымі разважаннямі бацька.

Да былой студэнткі БНТУ Настассі Булыбенка змагла патрапіць толькі мама Аксана. Цётку, якая таксама прыйшла на суд, не пусцілі ў залу. Падтрымаць дзяўчыну хацеў і яе новы сябра па перапісцы — усе паўгода, што Ася сядзіць, ён дасылае ёй лісты і грашовыя пераводы.

Аксана была на спатканні з дачкой толькі аднойчы — у сакавіку.

«Тады мне падалося, што яна добра выглядае. Цяпер на судзе я ўбачыла, што дзеці не такія, як на фота, — яны схуднелі. Бачна, што яны дзеці, гэта чыталася па цішотках, па позірках. Яны былі ў масках, але было заўважна, што рады нас бачыць — усміхаліся вачыма, шукалі родных.

Пасля абеду дзеці вельмі стаміліся. Хтосьці заплюшчваў вочы, хтосьці спрабаваў абстрагавацца ад пасяджэння. Яны разумелі, што адбываецца».

Моладзь рассадзілі ў дзве клеткі. У адной — выкладчыца Вольга Філатчанкава і хлопцы, у другой — дзяўчаты.

«Насця сядзела на дальняй лаўцы, я яе практычна не бачыла. З абвінавачання, якое ішло скорагаворкай, я выхоплівала асобныя словы, але было зразумела, што яно абсалютна абсурднае. Насці прад’яўлялі даты акцый, калі яна была на сутках. У мяне ёсць квітанцыі за харчаванне», — кажа Аксана.

Яна марыць убачыць, як дачку выпускаюць у зале суда.

«Калі яе затрымалі на 10 сутак, мне здавалася, гэта доўга, а тут паўгода ўжо прайшло…»

***

Суд працягнецца ў суботу 15 мая ў 10.30. Працэс вядзе суддзя Марына Фёдарава. Нагадаем, па «справе студэнтаў» праходзіць 12 чалавек. Іх судзяць па артыкуле 342 — грубае парушэнне грамадскага парадку. Моладзі пагражае да трох гадоў калоніі.

Каментары

Цяпер чытаюць

Муж Сямашкі быў не адзіным, хто атрымаў пашпарт прыкрыцця 13 лютага 2018 года39

Муж Сямашкі быў не адзіным, хто атрымаў пашпарт прыкрыцця 13 лютага 2018 года

Усе навіны →
Усе навіны

Як выгадна купіць машыну на аўкцыёне ў Еўропе без пасярэднікаў — расказваем16

Маладыя бацькі ў 100 гадоў. У пары галапагоскіх чарапах упершыню нарадзіліся дзеці

Трамп пракаментаваў падзенне фондавага рынку з-за ўвядзення пошлін4

Еўрапейскі ўніверсітэт залічыў першага студэнта — штучны інтэлект

Мора на майскія: дзе адпачыць і колькі будзе каштаваць2

«Прыехала, каб шэсць гадзін паглядзець тэлевізар». Беларуску са статусам уцекача не пусцілі ва Украіну без візы8

На Ліманскім напрамку ва Украіне абвастраецца сітуацыя1

Журналісты высветлілі, як рэдактара Atlantic дадалі ў чат аб ударах па Емене. Яго зблыталі з чыноўнікам Трампа2

«Традыцыйная жонка» — модны рух, якім захапілася моладзь44

больш чытаных навін
больш лайканых навін

Муж Сямашкі быў не адзіным, хто атрымаў пашпарт прыкрыцця 13 лютага 2018 года39

Муж Сямашкі быў не адзіным, хто атрымаў пашпарт прыкрыцця 13 лютага 2018 года

Галоўнае
Усе навіны →

Заўвага:

 

 

 

 

Закрыць Паведаміць