«Глядзіць, стаіць на парозе заяц»: Андрэй Скурко чытае казкі ВІДЭА
Андрэй Скурко стаў пісаць казкі ў канцы 2019-га, калі рыхтаваліся першыя нумары дзіцячага часопіса «Дуду», а яны з жонкай чакалі з’яўлення Тамаша. Некалькі казак ён начытаў на відэа. Пакажыце іх сваім дзецям.
Жонка Андрэя Паўліна Скурко ў сваім фэйсбуку заклікала сяброў, знаёмых (і незнаёмых) пісаць Андрэю лісты, бо слаба даходзяць, а таксама даслаць ёй вершаў.
«А ў каго хапае сіл — прашу вас пісаць яму.
Ёсць момант: лісты ходзяць кепскавата, Андрэй вельмі многага не атрымлівае. Таму, бадай, не варта ўкладаць у іх усю душу і сілы, давайце берагчыся.
Але можна рабіць так: раз на тыдзень адпраўляць верш і кароткі прывет. Праз тыдзень — новы верш і кароткі прывет. І так штотыдзень. Па маіх назіраннях, адзін з чатырох лістоў дакладна даходзіць:)» — напісала яна.
Нашаніўцы Андрэй Скурко і Ягор Марціновіч былі затрыманыя 8 ліпеня, амаль чатыры месяцы таму.
У Андрэя — цяжкая форма дыябету, і знаходжанне ў турме можа прывесці да страшнага пагаршэння здароўя.
Падтрымайце, калі ласка, іх лістамі, або тэлеграмамі.
Скурко Андрэй Генадзевіч
Марціновіч Ягор Аляксандравіч
СІЗА-1, Мінск, вул. Валадарскага 2, 220030.
«Мы не будзем есці суп. Будзем лепш глядзець Ютуб!» Новы дзіцячы верш ад зняволенага Андрэя Скурко
Ягор Марціновіч з СІЗА: У камеры — 19 чалавек, няма чым дыхаць
Цяпер чытаюць
Позна ўвечары Лукашэнка паразмаўляў яшчэ і з Джонам Коўлам. Імаверна, гаворка ішла пра ўмовы і тэрміны вызвалення палітвязняў2
Каментары