«Абвал моста на Нямізе — намёк на тое, што можна зрабіць горад лепшым і ўтульнейшым» — эксперт
Лепш не аднаўляць мост у ранейшым выглядзе, а палічыць выгады і зрабіць альтэрнатыву, якая пойдзе на карысць гораду, гаворыць дырэктар Беларускай асацыяцыі экспертаў і сюрвеераў на транспарце кандыдат тэхнічных навук Юрый Важнік, каментуючы сітуацыю для газеты «Беларусы і рынак».
Эксперт перакананы, што
«Няміга выглядала б лепш без транспарту зусім, як і вуліца Леніна. У Мінску вельмі маленькая цэнтральная пешаходная, турыстычная зона. Яна зводзіцца ўсяго толькі да Верхняга горада. У іншых гарадах падобнага роду зоны нашмат большыя».
Прытым на гэтым пры разумным падыходзе можна нават зарабляць грошы:
«Быў такі эксперымент у Сеуле: закрылі велізарную магістраль і пусцілі па ёй раку. На гэтым зарабілі прыкладна 3 млрд даляраў. За кошт турызму, іншага выкарыстання. З Нямігай мы маглі б зрабіць тое ж самае».
Тым больш што шанец нешта такое зрабіць валіцца фактычна сам у рукі:
«Эксперымент з пешаходнай вуліцай атрымаўся сам сабой. Я б не спяшаўся аднаўляць мост у ранейшым выглядзе. Таму што ён быў далёка не дасканалы з пункту гледжання транспартнай канструкцыі.
Ад выкарыстання транспартнай магістралі мы маем толькі выкіды і бруд. Цяпер стаіць задача не проста зрабіць як было, а палічыць выгады і зрабіць альтэрнатыву, якая пойдзе на карысць гораду».
Дарэчы, раней у Мінску нават хацелі зрабіць тунэль пад праспектам замест моста.
«Чым больш мы адхіляем паток ад цэнтра, тым больш эфектыўнай транспартная сістэма будзе ў далейшым. Мы лічым, што трафік першага гарадскога кальца павінен быць абмежаваны. Аж да ўвядзення платных зонаў.
Пакуль праз цэнтр можна будзе скараціць шлях, туды будзе з'язджацца транспарт. Але ў цэнтры трэба, каб людзі адпачывалі, пілі піва, выдаткоўвалі грошы. Мюнхен, Берлін, які горад ні вазьміце — цэнтр адведзены для пешаходаў.
Варыянтаў, чаму мост абваліўся, шмат, кажа Важнік, але гэта не самае важнае пытанне.
«Тут разбярэцца следства. Я гэта разглядаю не як фатальную памылку або праблему. Гэта намёк на тое, што можна зрабіць горад лепшым і ўтульнейшым».
Мост цераз Нямігу будуць праектаваць і будаваць адначасова
Кіраўнік Мінска паабяцаў за месяц пабудаваць новы мост над Нямігай
Што вядома пра мост на Нямізе, які абрынуўся
-
Лукашэнка пачынае ўсведамляць наступствы разбурэння сусветнага парадку
-
Севярынец: Тая лінія, якую вядзе Бабарыка — гэта не маё. А з Калеснікавай можа вырасці класны беларускі палітык
-
Бяляцкі ў тэксце для New York Times: Свет не павінен спісваць Беларусь як краіну, якая канчаткова адышла ў сферу ўплыву Расіі
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў18
Каментары