Крыніцы: Пасля гіганцкага выкупу на волю выйшлі топ-менеджары банка БелВЭБ
Як стала вядома «Нашай Ніве», сёння на волю выйшлі затрыманыя на мінулым тыдні топ-менеджары банка БелВЭБ. Умовай выхаду стала «кампенсацыя шкоды» ў кратным памеры. Мацюшэўскаму, меркавана, удалося выпрасіць грошай у Шувалава.
Нагадаем, раней мы паведамлялі пра сэнс прэтэнзій сілавікоў і Нацбанка да банка БелВЭБ: гэта «драбленне бізнесу і сыход ад падаткаў» праз стварэнне ІТ-кампаній у ільготнай зоне ПВТ, а таксама вывядзенне дывідэндаў без працэнтаў праз падкрэслена легальную схему сацыяльнага страхавання, створаную Прыёрбанкам. Налічаны памер «шкоды» склаў, у эквіваленце, 8 мільёнаў даляраў.
Чытайце таксама: Арышту Мацюшэўскага папярэднічаў яго канфлікт з Калаўрам, і пагоны за гэта ўчапіліся. Падрабязнасці
29 сакавіка ў топ-менеджараў банка прайшлі вобшукі, яны былі затрыманыя ДФР. Выйсці ў той жа дзень удалося толькі Мацюшэўскаму. Тады мы паведамлялі, што сэнс яго выхаду быў у тым, каб ён знайшоў грошы.
Крыніцы: Ноччу з ДФР выйшаў кіраўнік банка БелВЭБ Васіль Мацюшэўскі
Як можна меркаваць, грошы Мацюшэўскі знайшоў, папрасіўшы аб дапамозе кіраўніка расійскага Внешэканомбанка Ігара Шувалава.
Крыніцы кажуць, што агульная сума, заплачаная за выхад менеджараў, блізкая да 25 мільёнаў даляраў. У лукашэнкаўскай сістэме існуе практыка «мультыплікатара» — у выпадку трапляння за краты памер «шкоды» неабходна кампенсаваць у кратным памеры. Прынцып яго выстаўлення не апісаны ў законах і залежыць ад магчымасцяў вязня.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары