Два гады таму адбыліся выбары. Пасля таго 9 жніўня жыццё перастала быць ранейшым — прыхільнікаў перамен душаць рэпрэсіямі, прыхільнікі рэжыму баяцца збавіць градус помсты.
Тысячы прайшлі праз турмы. Дакладнай статыстыкі няма — прыблізныя падлікі даюць больш за 40 тысяч арыштаў па крымінальных і адміністрацыйных справах за два гады. 1262 палітвязні — столькі на сёння ў спісах «Вясны».
Хворы на анкалогію Рыгор Кастусёў, верны сваім перакананням Зміцер Дашкевіч, студэнтка-«тэрарыстка» Данута Перадня, палітык Мікалай Статкевіч, які толькі выйшаў з ШІЗА, папулярызатар вышымаек і беларушчыны Павел Белавус, былы следчы Яўген Юшкевіч, які выбраў сумленне.
Памятайма тых, каго не стала. Забіты ва ўпор Аляксандр Тарайкоўскі, застрэлены ў Брэсце Генадзь Шутаў, замучаны ў калоніі Вітольд Ашурак, кіроўца тралейбуса Павел Сібілеў, які не змог да канца ачуняць пасля ранення гранатай, жыхар Плошчы Перамен Раман Бандарэнка… І гэта не поўны спіс.
Але памятайма і пра салідарнасць, якая ахапіла людзей у тыя дні. І тое мора сцягоў, якое калісьці ашаламіла людзей у Вільні на перапахаванні Кастуся Каліноўскага, а пасля паўстала ў Мінску.
Трымаймася роднай мовы, культуры, гісторыі — падмурку, без якога немагчыма вольнай Беларусі.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос19
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары