Першы вядомы рэцэпт пудынга Евы (Eve’s pudding) быў створаны ў 1824 годзе. Назва гэтага пірага адсылае да біблейскай Евы, што пачаставала Адама яблыкам, і ў гэтым пудынгу яблыкаў багата. А ў дадатак — смачнае бісквітнае цеста!
Фота: BBC Food
Каб прыгатаваць пудынг Евы, вам спатрэбіцца:
- 2 вялікія яблыкі (агульнай вагой каля 500 грамаў)
- сок паловы лімона
- 95 грамаў масла
- 2 сталовыя лыжкі цукру + 100 грамаў цукру для верхняга слоя
- 100 грамаў мукі
- 2 яйкі
- сталовая лыжка гарачай вады
- марожанае ці заварны крэм для сервіроўкі
- Разагрэйце духоўку да 180 градусаў.
- Здыміце з яблыкаў скурку, дастаньце з іх сярэдзіну і парубіце яблыкі на тонкія долькі. Пакладзіце яблыкі ў рондаль, дадайце лімонны сок і 2 сталовыя лыжкі вады. Перамяшайце, накрыйце вечкам і тушыце яблыкі 5 хвілін, пакуль яны не памякчэюць.
- Дадайце 20 грамаў масла і 2 сталовыя лыжкі цукру, перамяшайце. Потым перанясіце сумесь у форму для выпякання (можна выкарыстоўваць некалькі асобных малых формаў). Адстаўце ў бок.
- Узбівайце разам 75 грамаў размякчонага масла і 100 грамаў цукру, пакуль сумесь не павялічыцца ў памеры і не стане лёгкай.
- Дадавайце ў сумесь муку (сталовымі лыжкамі) і яйкі па чарзе, асцярожна перамешвайце ў працэсе. У канцы таксама дадайце ў сумесь сталовую лыжку гарачай вады.
- Раскладзіце сумесь на яблыкі. Запякайце пудынг у духоўцы 30-35 хвілін ці пакуль яго верх не стане пышным і залатым. Падавайце з марожаным ці з заварным крэмам.
Каментары