Грамадства22

Сілавікі працягваюць тэрарызаваць сваякоў беларускага добраахвотніка, які загінуў ва Украіне

У тэлеграм-канале сілавікоў з’явілася відэа з затрыманым братам Васіля Парфянкова — байца палка імя Кастуся Каліноўскага, які загінуў у канцы чэрвеня пад Лісічанскам. 

Сваяка Парфянкова затрымалі і прымусілі сказаць на відэа, што ён быў падпісаны на «экстрэмісцкія» тэлеграм-каналы, рабіў рэпосты, не ўхваляў тое, што яго брат ваяваў ва Украіне.

Раней ужо былі затрыманыя стрыечны брат, сястра і мама Васіля Парфянкова.

У ліпені сталі вядомыя абставіны суда над сястрой і мамай Парфянкова. Іх распавяла жыхарка Мінска, якая правяла на Акрэсціна 27 сутак. 

«Суд над імі праходзіў вельмі цяжка — мы чулі, як іх судзілі праз скайп. Па іх прыехалі шэсць ці восем чалавек у поўным абмундзіраванні, правялі вобшук. Іх абвінавацілі ў непадпарадкаванні супрацоўнікам міліцыі і ў тым, што яны нібы напалі на тых, хто іх затрымліваў. Там жанчыны досыць малюсенькія, маці Васіля ў шаноўным узросце, ёй, здаецца, 67 гадоў, як яны маглі напасці? На судзе яны плакалі і гаварылі, каб ім не «шылі» тое, чаго не было насамрэч. Мама Васіля казала, што гатовая адседзець, але па заслугах, а не за гэта…

Да іх стабільна прыходзілі з вобшукамі, як я зразумела, кожныя паўгода. У нас ва ўсіх ком у горле быў. Было складана слухаць гэты суд, вельмі складана», — распавяла жанчына.

Васіль Парфянкоў — былы беларускі палітвязень, удзельнічаў у Плошчы-2010. Быў абвінавачаны ва ўдзеле ў масавых беспарадках, асуджаны на 4 гады пазбаўлення волі, але праз некаторы час памілаваны Лукашэнкам. З'ехаў ва Украіну. У 2014 годзе ваяваў на Данбасе на баку ўкраінцаў, атрымаў грамадзянства, служыў у арміі. 

У канцы чэрвеня Парфянкоў загінуў. Яму было 38 гадоў. Дзе ягонае цела, невядома.

Каментары2

  • Не трэба пераходзiць межы
    01.11.2022
    Як бы iх сваякоў не пачалi чапаць i тэрарызаваць. Ва ўсiх ёсць мамы, сёстры i дзецi...
  • Woodoo Cult
    01.11.2022
    Предпоследний абзац вызывает интерес. Редакция, а расскажите, где великий оппозиционер Латушко был в это время.

Цяпер чытаюць

На вуліцы Матусевіча ў Мінску побач з дзіцячым садком упаў беспілотнік

На вуліцы Матусевіча ў Мінску побач з дзіцячым садком упаў беспілотнік

Усе навіны →
Усе навіны

Грыбнік паказаў пяць відаў баравікоў з беларускіх лясоў

Пяскоў: Трамп і Пуцін могуць сустрэцца ў Кітаі, калі «апынуцца ў адным горадзе»

У Гродне хлопец у касцюме анёла граў на саксафоне і спяваў серэнаду

У Астрахані абрынуўся пад'езд пяціпавярховага дома2

«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21

Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос41

Дзяўчына на Прыпяці вылавіла гіганцкага сома — 2,25 метра6

СБУ: Затрыманы агент КДБ, які шпіёніў на паўночнай мяжы Украіны3

У Расіі вайскоўца асудзілі за паражэнскія настроі

больш чытаных навін
больш лайканых навін

На вуліцы Матусевіча ў Мінску побач з дзіцячым садком упаў беспілотнік

На вуліцы Матусевіча ў Мінску побач з дзіцячым садком упаў беспілотнік

Галоўнае
Усе навіны →

Заўвага:

 

 

 

 

Закрыць Паведаміць