Пачалася падрыхтоўка да Першага кангрэса беларускай культуры ў эміграцыі
Платформа для творчых, адукацыйных, выдавецкіх і навуковых працэсаў — Інстытут беларускай культуры (ІнБелКульт 2.0 / Inbelkult 2.0) распачаў падрыхтоўчы этап да Першага кангрэса беларускай культуры ў эміграцыі. Плануецца, што будучая падзея, арганізатарам якой выступае ініцыятыва, заснаваная Галінай Казіміроўскай, Алінай Коўшык і Ганнай Радзяёўскай, пройдзе ў чэрвені 2023 года ў Варшаве, піша Reform.by.
Кангрэс бачыцца як сумесная праца розных культурніцкіх панэляў, у межах якіх беларускія дзеячы культуры ў эміграцыі, прадстаўнікі беларускіх арганізацый і лідары суполак, якія займаюцца культурнымі праектамі, творцы абмяркуюць бягучыя праблемы і пытанні, што хвалююць культурніцкую супольнасць.
У рамках падрыхтоўчага працэсу да кангрэса ўжо ў сакавіку-красавіку ў Варшаве плануецца правесці серыю фокус-груп панэляў.
Рыхтуецца серыя з пяці сустрэч. Так, 18 сакавіка рыхтуецца праца Тэатральнай панэлі, на 1 красавіка запланавана Музычная панэль, 2 красавіка працу пачне Панэль візуальнага мастацтва, 22 красавіка — Літаратурная панэль. Завершыць серыю фокус-груп сустрэч Фальклорная панэль 23 красавіка.
ІнБелКульт 2.0 запрашае да ўдзелу мастакоў, музыкаў, фалькларыстаў, літаратараў, рэжысёраў, акцёраў, кампазітараў, крытыкаў, рэдактараў, журналістаў і іншых дзеячаў, звязаных з культурай.
Больш падрабязная інфармацыя пра час і месца правядзення панэляў з’явіцца ў найбліжэйшы час.
Для ўдзелу ў працы панэляў просяць запоўніць гугл-форму.
Гэтаксама ІнБелКульт 2.0 запрашае да партнёрства арганізацыі і асоб — звязацца з ініцыятывай можна тут.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу5
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х2020
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х20
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8585
Каментары