«Расатам» спадзяецца пачаць пабудову даследчага ядзернага рэактара ў Беларусі да канца года
Дырэктар офіса расійскай дзяржкарпарацыі «Расатам» у Беларусі Станіслаў Лявіцкі заявіў, што ў «Расатаме» спадзяюцца пачаць будаўніцтва даследчага ядзернага рэактара ў Беларусі да канца года, паведаміла БелТА.
Рэактар можа з'явіцца на базе Аб'яднанага інстытута энергетычных і ядзерных даследаванняў «Сосны».
«Мы цяпер знаходзімся на этапе ўзгаднення міжурадавага пагаднення. Калі яно будзе фіналізаванае, тады мы пачнём яго будаўніцтва. Мы ўжо гатовыя. Фармат узаемадзеяння можа быць розны, уключаючы сумеснае прадпрыемства. Узгадненне — працэс доўгі і складаны. Мы абавязкова хочам, каб былі ўлічаныя інтарэсы беларускага і расійскага бакоў, гарманізаваныя заканадаўчыя нормы», — сказаў Лявіцкі.
«Спадзяюся, што да канца гэтага года мы прыйдзем да агульнай роўніцы і зможам пачаць будаўніцтва. Мы глядзім на гэты рэактар як на выдатную магчымасць падтрымліваць ядзерную бяспеку Беларускай атамнай электрастанцыі, тэставання новых зборак паліва і, што немалаважна з пункту гледжання эканамічнай прывабнасці, магчымасць займацца напрацоўкай ізатопаў», — заявіў прадстаўнік «Расатама».
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары