Старшыня КНР Сі Цзіньпін правёў тэлефонную размову з прэзідэнтам Украіны Уладзімірам Зяленскім, паведамілі кітайскія СМІ.
Факт размовы пацвердзіў у твітары і сам Зяленскі.
«Правёў працяглую змястоўную тэлефонную размову са старшынёй Кітая Сі Цзіньпінам. Веру, што яна, а таксама прызначэнне амбасадара Украіны ў Кітаі дадуць магутны штуршок развіццю нашых двухбаковых стасункаў», — напісаў прэзідэнт Украіны Уладзімір Зяленскі.
Провів тривалу змістовну телефонну розмову з Головою Сі Цзіньпіном. Вірю, що вона, а також призначення Посла України в Китаї дасть потужний поштовх розвитку наших двосторонніх відносин.
— Володимир Зеленський (@ZelenskyyUa) April 26, 2023
У МЗС Кітая заявілі, што ініцыятарам размовы быў украінскі бок. Па словах Сяргея Нікіфарава, прадстаўніка прэзідэнта Украіны, размова доўжылася амаль гадзіну.
Галоўныя заявы Сі Цзіньпіна па выніках размовы з Зяленскім прыводзіць Цэнтральнае тэлебачанне Кітая. Паводле яго, Кітай накіруе свайго прадстаўніка з візітам ва Украіну і ў іншыя краіны для кансультацый па мірным урэгуляванні. Таксама было заяўлена, што Кітай будзе дамагацца хутчэйшага спынення агню ва Украіне, а дыялог і перамовы — адзіны магчымы выхад з канфлікту.
-
«Для Германіі гэта эканамічная катастрофа». Нямецкія эканамісты падлічылі кошт гандлёвай вайны з Трампам на чатыры гады
-
Амерыканец Палякоў прабраўся на закрыты востраў небяспечных абарыгенаў у Індыі. Ён спрабаваў улагодзіць іх дыетычнай колай
-
ЗША забаранілі амерыканскім чыноўнікам у Кітаі займацца сэксам з кітайцамі
Цяпер чытаюць
За некалькі дзён да вызвалення на палітзняволеную Кульшу завялі новую крымінальную справу — чацвёрты раз4
Каментары