Нафтагазавыя даходы Расіі ў красавіку 2023-га зменшыліся на 64% у параўнанні з красавіком мінулага года, вынікае з даных расійскага Мінфіна.
Даходы федэральнага бюджэту Расіі ад продажу нафты і газу, якія складаюць аснову дзяржаўнай казны, у красавіку 2023 года ўпалі на 64% да аналагічнага перыяду 2022 года, скараціўшыся на 5,9% да сакавіка гэтага года. Пра гэта сведчыць інфармацыя, апублікаваная расійскім Мінфінам.
Паводле ацэнкі Мінфіна, нафтагазавыя даходы ў красавіку склалі 647,5 мільярда рублёў у параўнанні з 1,798 трыльёна рублёў у красавіку 2022 года і 688,2 мільярда рублёў у сакавіку 2023 года.
Расійскі Мінфін заклаў у бюджэт-2023 скарачэнне нафтагазавых даходаў на 23% да мінулага года да 8,94 трыльёна рублёў, прагназуючы дэфіцыт па выніках года на ўзроўні амаль 3 трыльёны рублёў, або 2% ВУП.
З пачатку года ведамства з дапамогай Цэнтрабанка прадае юані з рэзерваў для кампенсацыі нафтагазавых даходаў, якія выпадаюць з бюджэту.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос21
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары