Мэра Гродна Мечыслава Гоя адправілі ў адстаўку. Яго пасаду заняў былы міністр ЖКГ
Былы міністр ЖКГ Андрэй Хмель стане мэрам Гродна. На яго прызначэнне даў сёння згоду Аляксандр Лукашэнка. Мечыслаў Гой быў старшынёй Гродзенскага гарвыканкама больш за 8 гадоў.
Прызначаючы новага кіраўніка Гродна, Лукашэнка кампліментарна адгукнуўся пра яго працу ў ЖКГ.
«Каб вы разумелі, у мяне вельмі добрае стаўленне да вашых падыходаў, вашай працы, якой вы займаліся. Пасада міністра вельмі важнага, але невялікага органа [Міністэрства ЖКГ], здавалася б, незаўважная. Нічога падобнага! Для мяне гэта было прыкметна».
Лукашэнка намякнуў на тое, што новага мэра Гродна папрасіў губернатар Гродзенскай вобласці.
«Я лічу вас, — звярнуўся Лукашэнка да Хмеля, — вельмі падрыхтаваным чалавекам, памятаю вашы даклады з Віцебскай вобласці. Вы вельмі добра разбіраецеся ў гэтай тэме. І калі паступіла просьба кіраўніцтва Гродзенскай вобласці, там не толькі Каранік папрасіў [губернатар Уладзімір Каранік], я падумаў, што, калі вы згодныя, гэта цалкам нармальная пасада. Але, каб вы разумелі, не апошняя. Я вельмі спадзяюся, не апошняя пасада ў вашай кар'еры».
Андрэй Хмель нарадзіўся ў 1983 годзе ў Лідзе. Скончыў Беларускі дзяржаўны аграрны тэхнічны ўніверсітэт. У чэрвені 2020 года стаў міністрам ЖКГ.
«Забралі яго. Не кінеш жа, усё ж такі наш чалавек». Лукашэнка выказаўся пра Статкевіча17
«Забралі яго. Не кінеш жа, усё ж такі наш чалавек». Лукашэнка выказаўся пра Статкевіча
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары