У Мінскім раёне адно з самых папулярных месцаў адпачынку — Мінскае мора, або Заслаўскае вадасховішча. Ступень яго гатоўнасці ацаніў у чацвер старшыня Мінскага аблвыканкама Аляксандр Турчын. Разам з міністрам унутраных спраў Іванам Кубраковым і мэрам Мінска Уладзімірам Кухаравым ён наведаў пляж №5 — адзін з самых папулярных пясчаных пляжаў Заслаўскага вадасховішча.
Месца сустрэчы — экалагічная сцежка, якая пачынаецца каля аўтобуснага прыпынку і вядзе акурат да пляжа №5 Заслаўскага вадасховішча, піша «Мінская праўда».
Летась Мінская абласная Дзяржаўтаінспекцыя і «Мінская лесапаркавая гаспадарка» стварылі гэтую лясную сцежку працягласцю 600 метраў. У самым яе пачатку ўстанавілі дэкаратыўную шыльду — зручны арыенцір для наведвальнікаў пляжа.
— У тых, хто дабіраецца да пятага пляжа на аўтобусе, праблем не ўзнікае. Ёсць добраўпарадкаваная сцежка, для выгодаў адпачывальнікаў — лаўкі. Пляж №5 — самы модны. Сюды едуць жыхары Мінска, найбліжэйшых раёнаў. У пікавы перыяд прыязджае каля 2600 машын, тады як існыя стаянкі разлічаны амаль на 1000 месцаў. Паркоўкі запаўняюцца і ўзнікае затор, які цягнецца да Ждановічаў, — увёў у курс справы начальнік УУС Мінаблвыканкама Аляксандр Астрэйка.
Рашэнне праблемы ёсць: у пікавы перыяд адкрываць для выезду машын тэхналагічны праезд, які ідзе паралельна экасцежцы. А дарога, якая вядзе да пляжа, на гэты час будзе аднабаковай.
— Але гэта толькі ў перыяд наплыву адпачывальнікаў. У звычайныя дні тэхналагічную дарогу закрыюць на шлагбаум. А дарога да пляжа будзе двухбаковай, — удакладніў Аляксандр Астрэйка.
На канец лета запланавалі рэалізацыю яшчэ аднаго праекта — будаўніцтва вялікага разваротнага кальца і ўстаноўка пры ўездзе на паркоўку шлагбаума. Пасля таго як усе месцы на стаянцы запоўняцца, шлагбаум для ўезду закрыюць. Машыны будуць паркавацца ўздоўж дарогі.
Як адзначыў Аляксандр Турчын, таксама ў планах будаўніцтва веласцежкі і пешаходнай сцежкі ад кальцавой дарогі праз Ждановічы. Гэта будзе зроблена для зручнасці беларусаў, якія карыстаюцца велатранспартам.
Аляксандр Турчын і Іван Кубракоў азнаёміліся таксама з найноўшымі сродкамі патрулявання пляжаў. На ўзбраенні міліцыі — дроны і электрасамакаты, забяспечаныя вогнетушыцелем, аптэчкай, вадой.
Дрон і самакаты будуць выкарыстоўвацца для адсочвання сітуацыі на ўсіх пляжах Заслаўскага вадасховішча.
-
Ціханоўская: Як Сяргея прывезлі ў Вільню, мы адразу паехалі ў краму купляць майкі, джынсы. І яму падабаецца, што ён такі стройны
-
У 18-м пакеце санкцый — чатыры беларускія кампаніі і завод «Легмаш», прадугледжваюцца захады супраць беларускіх банкаў
-
Сям’я з Беларусі на сваёй машыне праехала каля 10 тысяч кіламетраў дзеля Эгейскага мора
Каментары