Камароўка рэзка апусцела. Што там можна набыць у апошнія дні восені, дзе чарэшні па 300 рублёў
Да каляндарнай зімы засталося зусім трохі. Купіць сезонныя садавіну і гародніну на рынку ўсё яшчэ магчыма. Аднак ёсць пэўныя пытанні з асартыментам.
Журналісты Tochka.by у пятніцу заехалі на Камароўку. Глядзім, што колькі каштуе і якія адбыліся змены.
Адразу адзначым, што сезонны рынак збяднеў. На некалькіх радах, дзе яшчэ зусім нядаўна бойка прадавалі беларускія агуркі, памідоры і грыбы, цяпер — пустата. Нават неяк сумна.
Але радуе, што ўжо з'явіліся гандляры навагоднімі цацкамі.
«Вельмі прыгожыя снегіры», — гучна расхвальвала жанчына прадукцыю.
Пагодзімся, некаторыя цацкі былі вельмі нічога. Цэны — ад Br0,5 да Br50.
У цэлым пакупнікі ўсё ж такі былі. Многія ведаюць, дзе прадаюць гародніну па прыемных цэнах. Каля гэтых прылаўкаў народ нават тоўпіўся.
«Будзе вам поўны джынгл бэлс», — з'едліва адзначала адна з прадавачак. Магчыма, яна пазайздросціла, што яе гандлёвае месца не такое яркае ў параўнанні з іншымі.
Бульба, як звычайна, ёсць розных гатункаў — і на дранікі параяць, і на пюрэ. Самы танны варыянт каштуе Br0,99, даражэйшы — Br2,5.
Цэны на іншую папулярнуб гародніну: капуста белакачанная — па Br0,99—2,99, цыбуля — па Br1,5—3,5, морква — па Br0,8—4, буракі — па Br0,99—4. Усё стабільна.
Затое памідораў і агуркоў ад фермераў практычна няма.
Цэны на таматы па рынку — у дыяпазоне Br3,5—29 за 1 кг. З агуркамі яшчэ складаней — трэба хадзіць іх шукаць. Усё ж такі знайшлі танныя варыянты ўсяго за Br5, самыя дарагія — Br14,9.
Выбар перцаў крыху большы. За кіло ў вас папросяць ад Br2,5. Баклажаны таксама ў наяўнасці. Цана на гэтую гародніну — Br5,9—9,9.
Кошт саленняў таксама практычна не змяніўся. У некаторых прадаўцоў можна знайсці крыху таннейшыя агуркі — Br6 за 1 кг, але ёсць і дарагія — за Br15. Квашаная капуста каштуе Br5,99—12.
Звычайная зеляніна абыдзецца ў Br14—25 за кіло. Грыбоў амаль не засталося. Шампіньёны прадаюцца па Br8—12.
Што тычыцца часнаку, то яго аддаюць па Br13,9—25 за 1 кг. Усё яшчэ шмат розных гарбузоў, каштуюць Br2—6.
Вельмі танных ананасаў, як у мінулыя паходы на Камароўку, няма. Цяпер трэба будзе заплаціць Br9,9—35 за 1 кг.
Крыху падаражэў вінаград. Яго аддаюць па Br4,9—35,9. Варыянтаў па Br2 ужо няма.
Затое цытрусавыя ўсё яшчэ па прыемных цэнах. Апельсіны каштуюць Br4,9—17,9, лімоны — Br4,9—40, мандарыны — Br3,9—25.
Таксама ёсць вельмі танныя бананы за Br3,9—6,9 і хурма за Br2,5—20.
Некаторыя цэны засталіся стабільнымі. Яблыкі каштуюць Br3,5—10 за 1 кг, грушы — Br8—12, фейхоа — Br4,9—35.
У некаторых прадаўцоў можна адшукаць таннае ківі ўсяго па Br4,9. Апошнія брусніцы па Br11,9 за 1 кг.
Чарэшні з Чылі па 300 рублёў.
Цяпер чытаюць
У беларускія пашпарты будуць упісваць групу крыві11
Каментары