Амерыканскі генерал, былы дырэктар ЦРУ Дэвід Петрэус перакананы, што ўкраінскі контрнаступ будзе вельмі магутным, а сілы абароны Украіны падчас яго «дасягнуць агульнавайсковага эфекту».
«Я мяркую, што контрнаступ [Украіны] будзе вельмі магутным. Я думаю, што яны дасягнуць агульнавайсковага эфекту, гэта значыць, яны будуць паспяхова праводзіць агульнавайсковыя аперацыі. Сілы абароны Украіны будуць працаваць зладжана і комплексна. Яны будуць выконваць розныя задачы, сярод якіх — размініраванне, прарывы, супрацьпаветраная абарона войскаў. Будуць прымяняць сродкі радыёэлектроннай барацьбы, наладжваць лагістыку і працаваць пры падтрымцы артылерыі і мінамётаў», — цытуе словы генерала «Украінская праўда».
Дэвід Петрэус дадаў, што ўкраінскія абаронцы «маюць намер вызваліць сваю краіну».
Раней прэзідэнт Украіны Уладзімір Зяленскі запэўніў, што па стане на сёння Украіна ўжо гатовая да контрнаступу.
Цяпер чытаюць
«Стаўленне як да скаціны». Прарасійскі блогер расказаў пра 25 сутак ў ІЧУ3
«Стаўленне як да скаціны». Прарасійскі блогер расказаў пра 25 сутак ў ІЧУ
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары