«Белавія» расказала, у чым складанасць з прамымі рэйсамі на Мальдывы
Сёння ў Мінску прайшла прэс-канферэнцыя, прысвечаная Дню работнікаў цывільнай авіяцыі. Кацярына Радзішэўская, начальніца службы маркетынгу і знешнеэканамічнай дзейнасці «Белавія», расказала пра складанасці з запускам авіярэйса на Мальдывы, піша Blizko.by.
— Мы прагназуем аднабаковы пасажырапаток. З Беларусі ў Мале (сталіца Мальдываў) пасажырапаток будзе, а з Мальдываў у Беларусь мы не прагназуем значнага патоку, дастатковага для эксплуатацыі лініі. Мы не можам разлічваць на транзітны паток. Гэта будуць турысты, а дзелавых пасажыраў будзе мінімальная колькасць. Менавіта сукупнасць чыннікаў дазваляе зрабіць рэйс прыбытковым. Таму мы пакуль не гатовыя абвясціць пра запуск рэйса на Мальдывы.
Таксама яна расказала, што ў будучыні ў маршрутнай сетцы могуць з'явіцца новыя кірункі палётаў у Кітай.
— Мы працуем над пашырэннем сваёй прысутнасці ў Кітаі. Цяпер мы лятаем ва Урумчы і Санью. Пад пашырэннем прысутнасці мы маем на ўвазе як павелічэнне колькасці рэйсаў па ўжо існых напрамках, так і адкрыццё новых маршрутаў. Кітайскі рынак велізарны, мы вядзём перамовы з кітайскімі партнёрамі, вывучаем магчымасці. Вельмі хочам парадаваць пасажыраў навінамі, але не сёння. З перспектывай глядзім на правінцыю Гуандун, дзе знаходзяцца гарады Гуанчжоу і Шэньчжэнь.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос8
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары