На прэс-канферэнцыі пасля сустрэчы ў Кіеве з прэзідэнтамі Польшчы і Літвы Анджэем Дудам і Гітанасам Наўседам прэзідэнт Украіны Уладзімір Зяленскі сярод іншага закрануў і тэму магчымага перабазавання ў Беларусь байцоў ПВК «Вагнер» на чале з Яўгенам Прыгожыным. Ён выказаў меркаванне, што «кантынгент гэты будзе не вельмі вялікі».
«Па-першае, вагнераўцы ёсць на часова акупаванай тэрыторыі Украіны, яны ёсць і былі на Луганшчыне. І гэта праўда. Многіх з іх, як я ўжо падкрэсліваў, знішчылі нашы Узброеныя сілы, сілы абароны і бяспекі, больш за 20 тысяч іх былі знішчаныя.
Таму тая колькасць, якая пайшла, скажам так, у пазітыўным сэнсе на Маскву, яна ў параўнанні з тым, колькі было ў нас, параўноўваць гэта немагчыма.
Таму я не магу сказаць, наколькі яны будуць камусьці пагражаць на тэрыторыі Беларусі, таму што думаю, што кантынгент гэты будзе не вельмі вялікі», — сказаў Зяленскі.
Паводле данясенняў украінскіх вайскоўцаў, на паўночнай мяжы Украіны сітуацыя цяпер нязменная і кантраляваная. А маршу вагнераўцаў па тэрыторыі Украіны, падобнага да расійскага, прэзідэнт Украіны не баіцца, бо «ўсё ж у нас магутная і сучасная армія, і не на словах».
У Маскве можа быць арыштаваны генерал Суравікін — The Moscow Times
«Прыняты рашэнні адносна ўзмацнення нашай абароны ўсходняй мяжы» — Яраслаў Качыньскі
Інструктар «Вагнера» з пазыўным «Брэст»: Беларусь — такі ж кірунак, як і іншыя. А мы спатрэбімся перад выбарамі
Зяленскі: Нават унутраныя сілы РФ перасталі азірацца на кволага гаспадара Крамля
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў1
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары