З'явіліся цікавыя падрабязнасці сямейнага жыцця белага і чорнага буслоў у Германіі. Іхнія дзеці — «шэрыя»
Нядаўна з'явілася інфармацыя, што ў Германіі супольнае гняздо завялі самец белага бусла і самка чорнага. Гэта ў прыродзе практычна выключны выпадак. А цяпер з’явіліся і падрабязнасці сямейнага жыцця гэтай пары. Праз тое, што экалогія двух відаў істотна адрозніваецца, птушкі на гняздзе паводзяцца па-рознаму, піша тэлеграм-канал «Дзікая прырода побач».
Самка чорнага бусла выслала гняздо мохам, а белы бусел выкінуў яго і замест моху паклаў салому.
Птушанят бацькі кормяць таксама па-рознаму: белы бусел прыносіць мышэй і насякомых, а чорны бусел ловіць рыбу.
У пары вылупілася двое птушанят — яны спачатку былі белыя, а галава шэрая. Але афарбоўка птушак пакрысе мяняецца.
Арнітолагі іх ужо акальцавалі. Чакаецца, што бусляняты паляцяць прыкладна праз тыдзень.
Дзякуючы сваёй незвычайнай афарбоўцы, два «шэрыя буслы» будуць прыцягваць увагу птушкароў, што дазволіць сачыць за іх далейшым лёсам.
Пары чорнага і белага буслоў — рэдкая з’ява. Такое бывае ў заапарках, дзе няма выбару партнёраў. Але гэты выпадак, магчыма, першы зафіксаваны ў свеце, які здарыўся ў дзікай прыродзе.
Чытайце таксама:
У Латвіі забойцу буслоў аштрафавалі на 15 тысяч еўра
У Калінкавіцкім раёне пара буслоў здолела выкарміць ажно шэсць птушанят. Гэта рэдкасць
Цяпер чытаюць
На купянскім кірунку загінуў беларускі добраахвотнік Аляксей «Рыжы» Аўдзей13
Каментары