Сабралі падборку няўдалых рэчаў, якіх варта пазбавіцца.
Мода і персанальны стыль — розныя паняцці. Першае — расказвае пра трэнды, другое — пра ўнутраны свет чалавека. Свет моды і персанальнага стылю могуць наогул не перасякацца, і гэта таксама будзе нармальна. Тым не менш існуе некалькі рэчаў, якія псуюць любы лук. Пра іх і пагаворым.
Кашулі з вялікай колькасцю дэталяў
Такая мадэль — дакладны спосаб дадаць сабе некалькі гадоў. Гэтыя кашулі былі папулярныя ў пачатку нулявых, але і тады яны выглядалі дзіўна: лішнія дэталі перагружаюць вобраз, а рушы з бавоўны хутка мнуцца і заўсёды выглядаюць неахайна.
Чым замяніць такія кашулі?
Калі на працы хочацца выглядаць па-жаноцку, а офісны дрэс-код не дазваляе насіць блузкі, то замяніце рушы і валаны на мужчынскую кашулю. Але калі б вы хацелі набыць сабе такую, то абірайце мадэлі з тонкай тканіны, каб яна плаўна ахінала цела, а не тапырылася вакол яго.
Джынсы не па памеры
Джынсы з няўдалай пасадкай могуць сапсаваць прапорцыю і візуальна змяніць фігуру не ў лепшы бок. Таму падчас пакупкі звярніце ўвагу на пасадку па таліі. Джынсы не павінны пераціскаць бакі і занадта аблягаць. Тканіна, нацягнутая ў вобласці сцёгнаў, візуальна дадае лішніх кіло.
Падчас прымеркі глядзіце на заднія кішэні — каб падкрэсліць спартовы стан, яны павінны знаходзіцца на ўзроўні ягадзіц. Кішэні, якія «плывуць» уніз, робяць сцёгны плоскімі.
Тонкія трыкатажныя кофты
Асноўная праблема такіх рэчаў — адсутнасць формы. Таму іх варта замяніць на тоўстыя кардыганы ці жакеты. Добрым варыянтам стане просты швэдар, накінуты на плечы накшталт шалі.
Спадніца вышэй за калена і ніжэй за талію
Нішто так не псуе прапорцыі, як міні-спадніца з заніжанай пасадкай. У такой тулава становіцца доўгім, а ногі — кароткімі. Да таго ж гэты фасон можа падкрэсліць неідэальную форму ног.
Адпраўляючыся на шопінг, лепш прыгледзецца да іншых варыянтаў — спадніц з пасадкай па таліі ці з нізкай. Але ў апошнім выпадку трэба абіраць максі ці, наадварот, ультра-міні варыянты.
Няўдалыя туфлі: на танкетцы або на наборным (слоеным) абцасе
Туфлі на танкетцы і абцасе залішне задзірлівыя, яны падыходзяць выключна для выхадаў на вечарынкі ў стылі нулявых — у іншых выпадках яны глядзяцца вульгарна. Туфлі на наборным (слоеным) абцасе, наадварот, выглядаюць занадта сціпла і робяць вобраз неактуальным.
Замяніць такія можна на класічныя туфлі-лодачкі ці на навамодныя балеткі з квадратным наском. Такія пары будуць выглядаць стыльна і дадаваць камплекту трэндавасці.
Правярайце, ці ёсць гэтыя рэчы ў вашай шафе, і пішыце ў каментарах, чым, на ваш погляд, варта дапоўніць гэты спіс.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос24
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары