Італьянцы збеглі з рэстарана ў Албаніі, не заплаціўшы. Прэм'ерка Італіі папрасіла пасла зрабіць гэта «за ідыётаў»
Чатыры турысты з Італіі збеглі з рэстарана ў Албаніі, не заплаціўшы. Гэтая гісторыя распаўсюдзілася ў медыя і сацсетках абедзвюх краін, што заахвоціла албанскага прэм'ера падняць гэтае пытанне падчас візіту кіраўніцы італьянскага ўрада Джорджы Мелоні ў яго краіну. Пра гэта піша «Громадске» са спасылкаю на ВВС.
Мелоні пасля гэтага сказала амбасадару сваёй краіны «пайсці і заплаціць за гэтых ідыётаў». Пасольства Італіі ў Албаніі пацвердзіла ў заяве, што заплаціла 80 еўра ад імя сваіх грамадзян.
«Італьянцы паважаюць правілы і выплачваюць свае даўгі, і мы спадзяёмся, што падобныя эпізоды больш не паўторацца», — гаворыцца ў паведамленні прадстаўніцтва.
Міністр сельскай гаспадаркі Італіі Франчэска Лалабрыджыда, які таксама быў у паездцы ў Албанію, сказаў Reuters, што аплата рахункаў была справай гонару.
«Некалькі несумленных людзей не могуць зняславіць нацыю прыстойных людзей», — сказаў ён.
Уладальнік рэстарацыі распавёў албанскаму Report TV, што гэта быў першы раз, калі кліенты пайшлі не заплаціўшы. Ён дадаў, што чатыры італьянцы нават пахвалілі ежу.
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары