«Усё ў парадку». Прыгожын і пасля смерці працягвае містыфікаваць — з’явілася відэа з ім
У звязаным з Яўгенам Прыгожыным канале Grey Zone зʼявілася відэа з былым лідарам ПВК «Вагнер».
Прыгожын паведамляе, што відэа запісана ў выхадныя дні ў другой палове жніўня.
«Для аматараў абмеркавання маёй ліквідацыі, інтымнага жыцця, заробкаў, яшчэ чаго-небудзь — усё ў парадку», — кажа ён. Відэа апублікавана без каментароў.
Самалёт, паводле афіцыйнай версіі, з Яўгенам Прыгожыным на борце разбіўся 23 жніўня.
Адны з «выхадных дзён другой паловы жніўня» былі да крушэння самалёта Прыгожына — 19 і 20 жніўня. Перад прылётам у Расію ён сапраўды быў у Афрыцы.
Усяго ў авіякатастрофе над Валдаем загінулі 10 чалавек.
29 жніўня Прыгожына пахавалі ў Санкт-Пецярбургу на падкрэслена непрэстыжных могілках. Ні Пуціна, ні іншых прадстаўнікоў расійскай палітычнай эліты на пахаванні не было. Само пахаванне прайшло таемна.
«Адзінае пытанне, ці сапраўды Шайгу такі тупы». Вайсковы эксперт назваў сваю версію катастрофы самалёта Прыгожына
Лукашэнка: Я і не павінен гарантаваць бяспеку Прыгожына. А вагнераўцы «нікуды не бягуць»
«Чалавек складанага лёсу, і памылкі ў яго былі сур'ёзныя ў жыцці». Пуцін выказаў шматслоўныя спачуванні сям'і Прыгожына
З'явілася яшчэ адна версія выбуху ў самалёце Прыгожына
Каментары