Прэзідэнт Латвіі патлумачыў, чаму ён дае інтэрв'ю рускамоўным медыя па-латышску
Прэзідэнт Латвіі Эдгар Рынкевіч патлумачыў сваё рашэнне даваць рускамоўным медыя інтэрв'ю на латышскай мове — такім чынам кіраўнік дзяржавы мае намер «максімальна падкрэсліць каштоўнасці Сатвэрсмэ (Канстытуцыі)» і заахвоціць жыхароў да вывучэння дзяржаўнай мовы. Пра гэта Рынкевіч распавёў у інтэрв'ю Латвійскаму радыё, піша Delfi.lv.
На сваёй першай прэс-канферэнцыі пасля абрання прэзідэнтам Рынкевіч заявіў, што не выключае магчымасці размаўляць на рускай мове. Цяпер у інтэрв'ю Латвійскаму радыё прэзідэнт сказаў: «На прэс-канферэнцыі я казаў, што ў асноўным буду размаўляць па-латышску. Я не выключаю магчымасці калі-небудзь камунікаваць па-руску. Цяпер я ў асноўным размаўляю па-латышску».
Паводле слоў Рынкевіча, ён робіць гэта з дзвюх прычын. Па-першае, сёння абвастрылася дыскусія аб тым, што рабіць з грамадзянамі Расіі, якія павінны здаць экзамен па латышскай мове, каб захаваць дазвол на жыхарства ў Латвіі. Па-другое, кіраўнік дзяржавы падкрэсліў, што маладыя людзі адчуваюць у Латвіі дыскрымінацыю: іх не наймаюць на працу праз няведанне рускай мовы.
Прэзідэнт запэўніў, што будзе спрыяць згуртаванасці насельніцтва Латвіі і інтэграцыі.
«Зараз рускамоўныя медыя павінны з гэтым лічыцца — я даю сігнал, што трэба вывучыць латышскую мову, а не скардзіцца, што за трыццаць гадоў вы яе не асвоілі ці не мелі такой магчымасці. Цяпер такая магчымасць ёсць», — сказаў на заканчэнне прэзідэнт Латвіі.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос21
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары