Прэзідэнт Латвіі — настаўнікам: У вас ёсць права на забастоўку. Змагайцеся за свае правы
Эдгар Рынкевіч выступіў сёння перад работнікамі сферы адукацыі на канферэнцыі, арганізаванай Еўрапейскай камісіяй. Сваю прамову прэзідэнт Латвіі пабудаваў як сачыненне на тэму «Знайдзі адрозненні паміж прэзідэнтам і настаўнікамі», піша Delfi.lv.
«Прэзідэнт не можа абысціся без настаўнікаў. Я не ведаю ніводнага выпадку, каб прэзідэнтам стаў чалавек, які не вучыўся ў настаўніка. Дзякуй усім настаўнікам і дапаможнаму персаналу, якія працавалі са мной і працягваюць навучаць будучых прэзідэнтаў і, вядома ж, людзей з іншымі мэтамі. Настаўнікі могуць абысціся без прэзідэнта.
Настаўнікі жывуць і працуюць. Настаўнікі спакойна могуць абысціся без прэзідэнта. Але калі б мяне ніхто не навучыў чытаць і пісаць, я сёння тут не выступаў бы», — сказаў у сваёй прамове Рынкевіч.
Рынкевіч іранічна адзначыў, што прэзідэнт у краіне адзін, а настаўнікаў шмат — і яны могуць стварыць прафсаюз. А таксама ў настаўнікаў ёсць права на страйк.
«Я не думаю, што, змагаючыся за свае правы, вы неяк падвядзеце сваіх вучняў. Не! За любую працу варта атрымліваць справядлівае ўзнагароджанне і павінны быць ясныя і сумленныя правілы гульні.
І кажыце гучна не толькі пра заробак, але і пра змест і якасць адукацыі! Пра тое, якімі павінны быць урокі гісторыі, здароўя, матэматыкі, заняткі спортам. Пра тое, што трэба, каб раз вырашыць канфлікты паміж дзецьмі, а таксама сярод калег, каб школа магла стаць астраўком бяспекі для ўсіх. Абгрунтуйце, што і чаму неабходна, а што — ні ў якім выпадку. Адстойвайце свае інтарэсы! Не толькі для сябе», — заклікаў прэзідэнт.
Гаворачы аб задачах і мэтах, якія аб'ядноўваюць прэзідэнта і настаўнікаў Рынкевіч падкрэсліў, што ў абодвух выпадках трэба быць прыкладам для грамадства: «Вось чаму мы не можам сабе дазволіць курыць у парку, пераходзіць вуліцу на чырвонае святло або лаяцца, нават калі хакейны суддзя выносіць рашэнне на карысць каманды суперніка».
На думку Рынкевіча, «Ні прэзідэнт, ні настаўнік, які выконвае сваю працу толькі фармальна і не прыслухоўваючыся да меркавання аўдыторыі, не карыстаюцца вялікай павагай».
Цяпер чытаюць
Жалезная заслона ў дзеянні: як зменшылася колькасць перасячэнняў мяжы Беларусі і Еўрасаюза за апошнія гады3
Каментары