На Камароўскі рынак пасля рамонту вярнулі знакамітыя скульптуры
Месяц таму паведамлялася, што з мінскай Камароўкі зніклі скульптуры, якія стаялі на гэтым месцы шмат гадоў: кампазіцыі «Дама з сабачкам» ды «Конь і верабей». Цяпер яны вярнуліся назад, піша Blizko.by.
Калі скульптуры прыбіралі, Валерый Федарцоў, галоўны інжынер рынку, расказваў, што падчас упарадкавання тэрыторыі кампазіцыі праверылі на прадмет надзейнасці мацаванняў. У выніку дзве скульптуры — «Дама з сабачкам» і «Конь і верабей» дэмантавалі і адправілі на рамонт.
Эксперт растлумачыў, што пад уплывам розных фактараў, звязаных з надвор'ем і часам, скульптуры падвяргаюцца разбурэнню, таму іх неабходна своечасова рэстаўраваць.
І вось праз месяц у інстаграме Камароўкі з'явілася відэа, як кампазіцыі пад музыку «Блакітны вагон» вярнуліся на ранейшае месца.
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары