У Мінску цяжарную жанчыну аштрафавалі за «пікет» бел-чырвона-белым парасонам
Суд Партызанскага раёна Мінска 20 кастрычніка разгледзеў адміністрацыйную справу. Паводле пастановы суда, жанчына «з мэтай публічнага выказвання сваіх грамадска-палітычных настрояў ішла з бел-чырвона-белым парасонам». За гэта супраць яе склалі пратакол па арт. 24.23 КаАП, заўважыла «Люстэрка».
Да матэрыялаў справы далучылі фота, на якім мінчанка ідзе з раскрытым парасонам, а побач з ёй знаходзяцца пажылая жанчына і «асоба, якая ажыццяўляла фатаграфаванне».
Жанчына на судзе прызнала віну часткова. Па яе словах, яна не пераследавала палітычных мэтаў, а проста хавалася пад парасонам ад дажджу, але «разумее, што яе дзеянні маглі выклікаць рэакцыю з боку грамадзян, якія бачылі яе».
З-за таго, што мінчанка выхоўвае дваіх дзяцей, у тым ліку адно малое, і знаходзіцца ў стане цяжарнасці, яе не маглі адправіць на «суткі», таму прызначылі штраф 1 850 рублёў.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары