Лукашэнка 29 снежня падпісаў указ «Аб павышэнні пенсій». Дакументам прадугледжваецца пераразлік працоўных пенсій і іх павышэнне з 1 лютага 2024 года.
Пенсіі ў Беларусі вырастуць у сярэднім на 10%. На іх выплату ў лютым наступнага года будзе накіравана 1,8 млрд рублёў, з якіх 166 млн — дадатковыя выдаткі ў сувязі з павышэннем згодна з указам.
Акрамя таго, у 2024 годзе вырасце мінімальны парог страхавога стажу. Цяпер, каб атрымліваць працоўную пенсію, трэба будзе назапасіць не менш за 19 гадоў 6 месяцаў страхавога стажу.
Страхавы стаж — гэта час, калі вы працавалі і плацілі (самастойна або наймальнікам) унёскі ў ФСАН. Пры адсутнасці мінімальнага страхавога стажу выплачваецца сацыяльная пенсія. Яна значна меншая.
Акрамя таго, з 2024 года для разліку пенсіі будуць улічваць заробак за апошнія 30 гадоў працы (у 2023-м прымаліся пад увагу 29 гадоў).
Каментары