Нацыянальны статыстычны камітэт апублікаваў інфармацыю аб продажах алкаголю ў Беларусі за 2023 год.
Продажы гарэлкі скараціліся, але ёсць прырост у рэалізацыі іншых напояў, заўважыў Myfin.by.
Паводле звестак Белстата, у 2023 годзе арганізацыямі гандлю Беларусі (без мікраарганізацый) рэалізавана алкагольных напояў і піва на 5,7 млрд рублёў, што ў рознічным тавараабароце арганізацый гандлю склала 8%.
Продаж алкагольных напояў і піва ў абсалютным алкаголі склаў 97,6% да ўзроўню папярэдняга года, то-бок зменшыўся на 2,4%.
У натуральным выражэнні ў 2023 годзе ў параўнанні з 2022 годам больш за ўсё ў нашай краіне павялічылася рэалізацыя слабаалкагольных напояў — на 13,5%.
Выраслі продажы і іншых напояў:
лікёраў і лікёра-гарэлачных вырабаў — на 9,9%;
каньяку, каньячных напояў і брэндзі — на 6,1%.
пеністых вінаў, уключаючы шампанскае, — на 5,7%.
Адмоўную дынаміку продажаў паказалі гарэлка (-6,9%), вінаградныя і пладовыя віны (-4,9% і -4,6% адпаведна), піва (-1,3%).
Цяпер чытаюць
КДБ запусціў новы бот у тэлеграме для вярбоўкі беларусаў за мяжой. Прапануюць расклейваць улёткі, фатаграфаваць аб'екты і «нешта іншае»7
Каментары